Үздік 10 арна
Бұл апта «Balapan» балаларарнасын айтпағанда алғашқы ондықтың барлық телеарналары үшін көп өзгеріссіз аяқталды деуге негіз бар. Бұл жолы балалар арнасы ондықтағы кестені қортындылап тұрған «Хабарға» жол берді. UEFA Euro-2024 Кубогының аяқталуына байланысты Kazsport спорттық арнасының рейтингі төмендеп, төрт бірдей позициядан айырылып, алтыншы орында тұр, ал Qazaqstan мен КТК көшбасшылар үштігіне қайта оралды.
Үздік 10 жаңалықтар және ақпараттық-сараптамалық бағдарламалар
Өзекті жаңалықтарды көрермен әдеттегідей Еуразия бірінші арнасы, КТК және Qazaqstan арналарынан көреді. Қазақ және орыс тілдерінде де, әртүрлі, әр форматтағы бағдарламалардың арқасында Еуразия бірінші арнасы апта сайын үздік ондықтан түспейді. Ондықтың ішіндегі төрт сатыны да өздері иемденетіні жасырын емес. Сол сияқты, КТК жаңалықтары да екі тілде ақпарат беру арқылы аудиторияның ауқымды бөлігін қамтиды. Орыс тіліндегі шығарылымды көрермен екі есе көп тамашалайды.
Qazaqstan арнасының ақпараттық-сараптамалық бағдарламалары санатында «Апта» жобасы бірінші орында, екінші және үшінші орында 24 KZ арнасы. Қазақстан Республикасы Парламенті Мәжілісінің депутаттарының демалыста жүруіне байланысты осы санаттағы кейбір танымал жобаларды енді күздің алғашқы айларында ғана көреміз.
Үздік 10 ойын-сауық бағдарламасы
НТК-ның «Y-Night show» рейтингті кішкене төмендетіп алды. Алайда әзіл-оспақ бағдарламалары арасында бірінші орынды сақтап қалды. Almaty TV арнасынан көрсетілген «Шаншар» және 31 арнадан берілген авторлық әзілдер топтамасы екінші орында. Жалпы 31 арнадағы әзіл-оспақ жобаларының төрт түрлі шоуы үздік ондыққа кіргенін айта кету керек.
КТК арнасындағы «Астарлы ақиқат» өзектілігін жойған жоқ. Осы аптадағы үздік ондықтың көшін бастап тұр. КТК арнасындағы «Кел, шырқайық!» шоуы да өз биігіне қалды. Ал балалар арнасындағы «Тәй-тәй шоу» үшінші орынды Qazaqstan арнасынан шыққан «Тату тәтті» бағдарламасына беріп қойды.
Үздік 10 музыкалық және танымдық бағдарламалар
Өткен апта Qazaqstan телеарнасы үшін сәтті болды. Өйткені өз санатындағы үздік ондықтың алғашқы алты жолын да музыкалық бағдарламалармен осы арнадағы концерттердің көрсетілімдері алады. Танымдық бағдарламалар санатында да бірінші және бесінші орынды ұлттық арна иеленді. Басқа позициялар бойынша Еуразия бірінші арнасы, МИР, 24 kz, Той Думан, Тұран ТВ және Балапан арналары да үздік ондықтан қатарында тұр.
Топ-10 әлеуметтік-экономикалық және басқа бағдарламалар
Еуразия бірінші арнасының эфиірінен 11 шілде күні берілген «Koremiz» ток-шоуы әлеуметтік-экономикалық бағдарламалардың арасында бірінші орында тұр. КТК екінші орын алды. Ал Qazaqstan арнасындағы «Ақсауыт» әскери-патриоттық жобасы үшінші орын иеленді. Бұл санатта өңірлерді дамыту, отандық брендтермен әлемдегі оқиғалар туралы бағдарламалар бар.
Негізгі санаттарға енбеген басқа бағдарламалардың көпшілігі «Balapan» балалар арнасының эфирінен шықты. Жалғыз ерекшелік – Astana TV арнасындағы «Саулықтың сыры» сенбілік бағдарламасы 6-орынға тұрақтады.
Үздік 10 отандық телехикаялар мен фильмдер
Туыстық атауларды телехикаялардың атауларына айналдырған үш жоба үздік ондықтың көшін бастап тұр. Qazaqstan және Хабар арналарынан көрсетілетін «Құдаша қыз», «Келінжан-2» және «Күйеу бала» сериалдарын көрермен күтіп отырып тамашалайды. Айтакету керек, Balapan арнасының үш балалар сериалы да үздік ондыққа кірді.
Комедиялық жанрдағы фильмдер өз санатындағы он позицияның тоғызына ие болды. 31 арна, НТК және Хабар бір тұғырда тұр.
Үздік деректі фильм Еуразия бірінші арнасынан 12 шілде күні көрсетілді. «Жизнь после» картинасы көрерменнің көңілінен шықты.
Үздік 10 шетелдік бағдарламалар, фильмдер мен сериалдар
Өткен аптада UEFA Euro-2024 Кубогы аяқталғаны мәлім. Бұл чемпионат Kazsport телеарнасын бір ай бойы үздіктер қатарынан түсірмей келді. Жексенбі яғни 14 шілде күні Еуропа чемпионатының финалының төрт трансляциясы рейтингтің ондығына кірді. Осылайша Еуразия бірінші арнасындағы танымал «Поле чудес» шоуының алға шығуына еш мүмкіндік бермеді.
Аптаның үздік ондығында тоғыз сериал мен бір фильм бар. Astana TV арнасындағы «Осман-5», Qazaqstan арнасындағы «Зейнеп» және Еуразия бірінші арнасындағы «Авантюра на двоих» алғашқы маңызды орындарды иеленіп отыр. «Құрсаудағы қыз» сериалының үшінші орын алуы үшін рейтингтің жүзден екі бөлігі ғана жетпей қалды. Жетінші арнадан көрсетілген «Великолепный век. Хюррем» хикаясының көрсеткіштері де артып келе жатыр. Біз жаздың соңына дейін телевизиялық жобалар рейтингінің қалай құбылатынын бақылап отырамыз.
