ҮЗДІК 10 АРНА
Көрермендердің назары сәл төмендесе де Еуразия бірінші арнасы 0,77% рейтинг жинаған. Осылайша үздік ондықтағы бірінші орынды иеленді. Ал өзге арналардың позициялары өткен аптадан бері өзгерген жоқ. Айта кетер бір жайт Almaty TV арнасы үздік ондыққа енді. Яғни Хабарды ондықтан ығыстырды. Astana TV көрсеткіші артып, сегізінші орыннан жетінші орынға көтерілді.
ҮЗДІК 10 ЖАҢАЛЫҚТАР ЖӘНЕ АҚПАРАТТЫҚ-САРАПТАМАЛЫҚ БАҒДАРЛАМАЛАР
Осы аптада КТК арнасының жаңалықтары керемет көрсеткішке қол жеткізді. 22 қазан яғни сейсенбі күнгі шығарылым ең көп қаралым жинаған. Оның рейтингі Еуразия бірінші арнасының да көрсеткішінен жүзден үш пайызға жоғары болды. Qazaqstan арнасының «Ақпарат» бағдарламасы КТК мен Еуразия бірінші арнасының жаңалықтар топтамасынан кейінгі бесінші орынға ие болды.
Ақпараттық-сараптамалық бағдарламалар тобында Еуразия бірінші арнасы және Qazaqstan көшбасшы болып қала береді. Одан кейін рейтинг көрсеткіштерінде үлкен айырмашылық пен Almaty TV, Astana TV, Хабар және басқа да арналар бар.
ҮЗДІК 10 ОЙЫН-САУЫҚ БАҒДАРЛАМАСЫ
КТК үшін бұл санат та сәтті деуге негіз бар. Өйткені осы арнаның эфирінен берілген «Алдараспан» әзіл-сықақ шоуының сенбі күнгі шығарылымы өзге де ойын-сауық жобалармен салыстырғанда көптеген көрермен жинай білді. Сенбінің таңында «Алдараспанды» 31 арна да көрсеткен еді. Алайда екі есе аз көрсеткішке ие болды.
Еуразия бірінші арнасымен КТК «QosLike», «Астарлы ақиқат» және «Кел, шырқайық!» сынды танымал жобаларымен көрермендердің назарын өзіне тағы да аудартты. Бұл арналардың жобаларын Жетінші арнадағы «Маска Казахстан» деп аталатын бағдарлама өкшелеп келеді. Олай дейтін себеп 1,22% рейтингпен төртінші орынға тұрақтады.
ҮЗДІК 10 МУЗЫКАЛЫҚ ЖӘНЕ ТАНЫМДЫҚ БАҒДАРЛАМА
Qazaqstan арнасындағы «Жұлдызды жұп» жобасы бүкіл елдің назарын өзіне аудара білді. Көрермендер дауыс беріп, сүрінген үміткерлер шығып қалып отыратын музыкалық байқау шынында да қызықты өтеді. Әрі әр турдан турға өткен сүйікті әртістерін қолдайтын көрермен көп. Сондықтан сөзсіз бірінші орынға ие болды. Екінші және үшінші орында Республика күні яғни 25 қазанда Qazaqstan және Astana TV арналарында көрсетілген «Қастерлі отан – Қазақстан» атты мерекелік концерттік бағдарламасы тұр.
Танымдық бағдарламаларының ішінде Еуразия бірінші арнасының дәстүрлі таңғы шығарылымы бірінші орында, екінші орында Qazaqstan арнасындағы «Ұлы дала таңы» деп аталған арнайы мерекелік жобасы орналасқан. Ал үшінші орынға Balapan балалар арнасында көрсетілген «Сен білесің бе?» деп аталатын танымдық жобасы ие болды.
ТОП-10 ӘЛЕУМЕТТІК-ЭКОНОМИКАЛЫҚ ЖӘНЕ БАСҚА БАҒДАРЛАМАЛАР
Еуразия бірінші арнасындағы «Koremiz» ток-шоуының рейтингін көптен бері ешкім басып оза алмай келе жатқаны мәлім. Бұл жолы да осы жоба көш басында тұр. Ал өткен аптада Qazaqstan арнасы «Әйел әлемі» және «Ақсауыт» бағдарламаларымен екі есе төмен рейтингке ие болды, дегенмен олар кестеде екінші және үшінші орын алды.
Басқа бағдарламалар санатында Balapan телеарнасы көрерменнің назарын аудару үшін өзінде көрсетілетін жобалар мен жарысуы тиіс. Бұл жолы бірінші орында «Көңілді асхана» балалар шоуы, екінші орында «Пингвин оқиғалары» мультфильмінің кезекті сериясы, үшінші орында – «Мұзбалақ» мультсериалының 26 қазандағы эпизоды бар.
ҮЗДІК 10 ОТАНДЫҚ ТЕЛЕХИКАЯЛАР МЕН ФИЛЬМДЕР
Qazaqstan үздік ондықтың құрмет тұғырында тұр. Яғни ұлттық арнадағы «Сен қасымда болмасаң…», «Ерте көктем» және «Замандастар» деп аталатын үш сериал бар. Айтпақшы «Замандастар» «Теңіз түсті махаббат» (НТК) сериалымен бірдей рейтингке ие болған.
Көркем фильмдер арасында бірінші орында «Таптым-ау сені» және «Аппақ келін» фильмдері тұр. Бұл қос картина Жетінші арнаның эфирінен берілді. Үшінші орын Qazaqstan арнасындағы «Ұлы дала таңы» картинасында. Ондыққа енген картиналардың жартысы 25 қазан Республика күні көрсетілгенін де айта кету керек.
Мереке деректі картиналар тақырыбынада оң әсер етті. Ең көп рейтингке «Республика күні. Қайта жаңғыру» атты деректі фильм ие болды. Бұл бағдарлама Еуразия бірінші арнасының эфиріне шықты.
ҮЗДІК 10 ШЕТЕЛДІК БАҒДАРЛАМАЛАР, ФИЛЬМДЕР МЕН СЕРИАЛДАР
Еуразия бірінші арнасы шетелдік өндіріс санатындағы алтын мен күмісті еш қиындықсыз алды. Бұл әрине әйгілі «Поле чудес» шоуы және «Точь в точь» жобалары. Үшінші орын 31 арнадағы «Ледниковый период» мультфильміне бұйырды.
Түркия, Ресей және Қытай шығарған фильмдер мен сериалдар шетелдік фильмдермен сериалдардың үздік ондығына кірді. Тізімнің басында Жетінші арнадағы «Великолепный век. Хюррем» тұр. Екінші орында Qazaqstan және Еуразия бірінші арнасынан берілген екі сериал бар (бірдей рейтинг 2,32%). Үшінші орында тағы да Qazaqstan – «Өгей өмір» телехикаясының 26 қазан күні эфирге шыққан сериясы.
