ҮЗДІК 10 АРНА
Еуразия бірінші арнасының рейтингі апта сайын өсіп келеді. Яғни еліміздің телевизиялық алаңында бұл арна көшбасшылық бірінші орынды мықтап ұстап тұр. Осы аптада КТК көрсеткіштері кішкене төмендеп, Qazaqstan телеарнасының өткен аптадағы рейтингімен теңесті. Жетінші арна төртінші орынға көтерілді, ал НТК екі орынға төмендеп, алтыншы орынға ие болды. Ал Мир телеарнасы үздік бестікті қортындылап тұр.
ҮЗДІК 10 ЖАҢАЛЫҚТАР ЖӘНЕ АҚПАРАТТЫҚ-САРАПТАМАЛЫҚ БАҒДАРЛАМАЛАР
Еуразия бірінші арнасы жаңалықтар шығарылымдарын жақсылап қолға алды. Осылайша өзге әріптестерінен оқ бойы озық шығып, кішкене ғана төмендетіп алған көрсеткіштер бәсекесіндегі басымдықты қайтақалпына келтірді. КТК дүйсенбі күнгі жаңалықтар топтамасымен үшінші орынға ие болды. 31 арнадағы «Informburo» бағдарламасы төртінші орында.
«Аналитика» және «Парламент онлайн» жобаларырың рейтингіосы аптада бірдей (1,64%). Сондай-ақ Еуразия бірінші арнасы үздік он ақпараттық-сараптамалық бағдарламалар санатында да көш бастады. Qazaqstan, Жетінші арна және Astana TV көрсеткіштері сәл төмендеді. Бұл ретте Жетінші арна «Что это было?» және «Сөздің қысқасы» сияқты екі жобасымен де ондыққа ілікті.
ҮЗДІК 10 ОЙЫН-САУЫҚ БАҒДАРЛАМАСЫ
Отандық телевизиядағы әзіл мен сатираны көрермен негізінен КТК, Жетінші арна және 31 арналардан іздейтінін даусыз. Алайда көптеген көрерменнің назары 31 арнаға ауатыны жасырын емес. Өйткені әзіл-сықақ бағдарламаларының үздік ондығында осы арнадан берілген төрт бірдеу шоу бар.
Біздің арналардағы ойын-сауық ток-шоуларының санатында да көрсеткіштер тұрақты. «QosLike», «Астарлы ақиқат» бағдарламаларының тұрақты көрермендер шоғыры қалыптасқан. Бірақ кейбір жобалар да қазір танымалдылықтарын арттырып келеді. Мысалы, бір апта ішінде Жетінші арна «Маска Kazakhstan» және «Таптым-ау сені» жобаларының арқасында көрсеткіштерінің үлесін анағұрлым арттырды.
ҮЗДІК 10 МУЗЫКАЛЫҚ ЖӘНЕ ТАНЫМДЫҚ БАҒДАРЛАМА
Телевизия контентінің әрсанатында бәрін бақылап, салмақтап отыратын өз сарапшылары бар. Яғни өздеріне қызықты болатын дүниелерді тамашалау үшін өзге арналарға көп ауыса бермейді. Мысалы, көрермендердің музыкалық талғамымен танымдық бағдарламаларына деген сұранысты Qazaqstan ұлттық телеарнасы қанағаттандырып отыр десек қателеспейміз. «Көңілді толқыны» концерттік бағдарламасы, «Жұлдызды жұп» музыкалық шоуы, «1001 түн» бағдарламасы, таңғы шоулар және басқа да бағдарламалар үздік ондықтың алғашқы орындарына ие болып отыр.
ТОП-10 ӘЛЕУМЕТТІК-ЭКОНОМИКАЛЫҚ ЖӘНЕ БАСҚА БАҒДАРЛАМАЛАР
Еуразия бірінші арнасындағы «Koremiz» және «Поле чудес» ток-шоуларын өз санаттарының үздіктері қатарынан көруге көзіміз әбден үйреніп қалды. Сондықтан қандай бағдарламалар жоғары рейтингке ұмтылатынын тамашалап отырудың да өз қызығы бар. Қазір КТК мен Qazaqstan әзірге жақсы нәтиже көрсетіп отыр.
Басқа бағдарламалармен қатар, Balapan телеарнасының «Тоқты мен Серке» және «Ғажайып зауып» анимациялық сериялдары алғашқы екі орынды иеленді. Кішкентай көрермендердің жұмыс күндеріндегі теледидар көрудегі белсенділігі күзгі демалыстың басталуымен байланысты сияқты.
ҮЗДІК 10 ОТАНДЫҚ ФИЛЬМДЕР МЕН СЕРИАЛДАР
Qazaqstan арнасы бұл санатта да алдына арна салмай келеді. Бұл санат еліміздегі сериалдар өндірісі. Көбінесе біздің телеарналар өз өндірісінің сериалдарына ротация жасайды. Әр маусымда көрермендердің назарына жаңа сценарийлер мен жаңа кейіпкерлер ұсынып, бүкіл елдің көрермендерін өздеріне баурай біледі.
Жетінші арна «Таптым-ау сені» көркем фильмінің көрсетілімін қайталады. Осылайша апталық рейтингте тағы жеңіске жетті. Екінші орында Балапан арнасындағы «Гипер бала» деп аталатын балаларға арналған картина. Он түрлі фильмнің төртеуін El Arna арнасы эфирге берген.
Atameken Business телеарнасы көрермендердің назарын сенбінің кешіне өздеріне аударды. Осы арнаның эфирінен берілген «Алтай таулары» деректі картинасы үздік атанды.
ҮЗДІК 10 ШЕТЕЛДІК БАҒДАРЛАМАЛАР, ФИЛЬМДЕР МЕН СЕРИАЛДАР
Еуразия бірінші арнасы бірінші және екінші орында. Өйткені біз басында атап өткен әйгілі «Поле чудес» пен «Точь в точь» ток-шоуларының көрсеткіштерінен өзге жобалар аса алмады. Одан кейін Балапан арнасы көрсеткен «Лесси» балалар анимациялық сериалы тұр. Барлығы үздік ондықтың үш орыны Балапан арнасына, тағы да үш орыны Мир телеарнасына тиесілі.
Шетелдік фильмдер арасында құрмет тұғырында түріктер түсірген үш түрлі сериал бар. Түркия Республикасы Тәуелсіздігінің 100 жылдығын мерекелеу күндерінде бұл өте символдық көрсеткіш деуге де болатын шығар.
