ҮЗДІК 10 АРНА
Қазан айының алтысы күні өткен республикалық референдум және 25 қазан –Республика күні. Осы екі маңызды оқиға телеарналардың да көрсеткіштеріне әсерін тигізді. Жекелеген санаттарда екі датаға байланысты бағдарламалармен фильмдердің де рейтингтері көңілге қуаныш сыйлайды. Осы айдың үздік бестігінде Еуразия бірінші арнасы, КТК, Qazaqstan, НТК (+2 орын) және Жетінші арна бар.
ҮЗДІК 10 ЖАҢАЛЫҚТАР ЖӘНЕ АҚПАРАТТЫҚ-САРАПТАМАЛЫҚ БАҒДАРЛАМАЛАР
Еуразия бірінші арнасы, КТК және 31 арна қазан айында көрермендердің үлкен үлесін өзара бөлісіп алды. Олар жаңалықтар топтамасы бойынша рейтингінің алғашқы төрт орынын яғни орташа және ең жоғары көрсеткіштерге ие болды. Еуразия бірінші арнасының «Басты жаңалықтар» және «Главные новости» жобалары бір айда 68 рет эфирге шықты. Ал «Новости на КТК» орыс тіліндегі топтамасы 75 рет эфирге берілген екен. 31 арнаның «Информбюро» бағдарламасы 53 рет көрсетілген.
Сараптамалық бағдарламалардың салмағы басым. Өйткені аптадаға ең маңызды оқиғаларды сүзгіден өткізіп, жан-жақты саралап, толықтырып көрермен назарына ұсынады. Мысалы, әр апта сайын Еуразия бірінші арнасы «Парламент Онлайн» және «Аналитика» бағдарламаларын эфирге береді (1-2 орын), Qazaqstan жексенбі күні «Апта» бағдарламасын шығарады (3 орын max.rtg), Astana TV «Sapar times» бағдарламасымен аптаны қорытындылайды (4 орын max.rtg). Демек осы арналардың аналитикасын тұрақты тамашалайтын көрермендер қалыптасқан.
ҮЗДІК 10 ОЙЫН-САУЫҚ БАҒДАРЛАМАСЫ
КТК «Алдараспан» жобасына зор сенім артып, эфирге берді. Сол сенім ақталып осы санат бойынша қазан айында жеңімпаз атанды. Бұл әзіл-сықақ шоуы арнада 19 рет эфирге беріліп, олардың орташа рейтингі 0,51% жинаған. Ал 5 қазан күніең максималды көрсеткішке ие болды. Astana TV екі көрсеткіші бойынша да «Әзілің жарасса» жобасымен екінші орын алды. Ол эфирге 5 рет шыққан. Ал ең сәтті шығарылымы 6 қазан күні көрсетілді.
Ойын-сауық ток-шоуларының бәсекесі мықты. Орын мен уақыт үшін күресте алдына арна салмайтын каналдар бар. Бұл бағытта КТК, Еуразия бірінші арнасы және Жетінші арналардың бағдарламалары үздік деп танылды. Мысалы, «Астарлы ақиқат» ток-шоуы 37 шығарылым үшін орташа рейтингтің 0,76% алды, ал оның ең танымал шығарылымы 8 қазан күні көрсетілді.
ҮЗДІК 10 МУЗЫКАЛЫҚ ЖӘНЕ ТАНЫМДЫҚ БАҒДАРЛАМАЛАР
Республика күніне арналған «Қастерлі отан – Қазақстан» мерекелік концерті қазан айында көрермендердің жоғары бағасына ие болды. Ал эстрада жұлдыздарымен медиа-тұлғалар арасындағы «Жұлдызды жұп» музыкалық байқауы 14 шығарылым бойы көрермендердің назарын ешқайда тайдырмады. Бұл бағдарламаға орташа рейтинг бойынша 3-ші орынды сыйлады. Оның ең жақсы шығарылымы 26 қазан күні эфирден өткен.
Еуразия бірінші арнасы «Доброе утро Казахстан» бағдарламасын бір айдың ішінде 45 рет эфирге шығарған екен. Ол үшін орта есеппен 0,34 % рейтинг жинады, ал 23 қазандағы жеке шығарылым үздік болып, 0,90% рейтинг көрсетті. Qazaqstan арнасы «1001 түн» кешкі шоуымен екінші орында (19 шығарылым үшін 0,37% және 30 қазандағы шығарылым үшін 0,73%). Осы арнаның «Ұлы дала таңы» деп аталатын арнайы мерекелік жобасы ең жоғары және орташа рейтинг бойынша үшінші орынға табан тіреді.
ТОП-10 ӘЛЕУМЕТТІК-ЭКОНОМИКАЛЫҚ ЖӘНЕ БАСҚА БАҒДАРЛАМАЛАР
Қазан айында 42 шығарылымын эфирге берген Еуразия бірінші арнасының әлеуметтік «Koremiz» ток-шоуының бір айлық орташа рейтингі 1,23% құрайды, оның 9-шы эпизоды ең көп қаралым жинады. Көрсеткіші 2,86%. «Referendum Life» бағдарламасымен Astana TV ең жоғары рейтинг бойынша екінші орында, ал 31 арна орташа рейтинг бойынша «Пенсия.KZ» жобасымен екінші орында тұр. Бұл санат бойынша Qazaqstan телеарнасы бағдарламаларының үлесі басым.
Әдеттегідей, телебәсекенің алаңында басқа да бағдарламалармен бірге Balapan телеарнасы да бақ сынайды. Өйткені өзінің тұрақты аудиториясы бар. «Тоқты мен Серке», «Пингвин оқиғалары» анимациялық сериалдары мен «Дара бала» балалар шоуы максималды рейтинг жинаған. Орташа рейтинг бойынша «Құйыршық», «Өнертапқыш Ник» және «Алан мен Қозықа» мультфильмдері үздік атанды.
ҮЗДІК 10 ҚАЗАҚСТАНДЫҚ ФИЛЬМДЕР МЕН СЕРИАЛДАР
Qazaqstan «Көршінің қызы» және «Сен қасымда болмасаң…» сериалдары мен алғашқы екі орынға ие болды. Екеуі де рейтинг бойынша бірдей нәтиже көрсетті. Бұл ретте «Сен қасымда болмасаң…» хикаясының 34 сериясы эфирге шықты. Astana TV «Зу-зу Күлпаш» комедиялық сериалымен үшінші орында.
Көркем фильмдер санатындағы орташа және максималды рейтинг бойынша алғашқы төрт орын бірдей көрсеткіш жинаған. Оларды Жетінші арна мен Qazaqstan өзара бөлісті. «Таптым-ау сені», «Аппақ келін» фильмдері, «Балуан Шолақ» өмірбаяндық драмасы және Республика күніне орай «Ұлы дала таңы» фильмі көптеген көрерменді экраналдына ұйыстырды.
Сондай-ақ, су тасқынынан зардап шеккен аудандардағы қазіргі ахуал туралы «Тасқыннан кейінгі тіршілік» деректі фильмі көрерменнің көңілінен шықты. Qazaqstan арнасында бұл цикл айына 4 рет көрсетілді, ал 4 қазанда шыққан шығарылым ең көп қаралым жинаған.
ҮЗДІК 10 ШЕТЕЛДІК БАҒДАРЛАМАЛАР, ФИЛЬМДЕР МЕН СЕРИАЛДАР
Еуразия бірінші арнасының «Поле чудес» және «Точь в точь» апталық шоулары қазан айында үздік атанды. «Ледниковый период» мультфильмі (31 арна) әрдайым көрермен тарта біледі. Спорттық бағдарламалардың ішінен Qazsport телеарнасында кәсіпқой бокс турнирі және UEFA Ұлттық Лигасының футбол ойындарының көрсетілімдері үздік ондыққа енді.
Сериалдардың жеке эпизодтарының максималды рейтингі көркем картиналардың рейтингінен әлдеқайда жоғары. Алғашқы ондықта олардың арақатынасы 9/1 құрайды. Алғашқы үш орын Жетінші арнадағы «Великолепный век. Хюррем», Еуразия бірінші арнасындағы «Разменная монета» және Qazaqstan көрсететін «Қол созған үміт» сериалы. Орташа рейтинг бойынша кестенің 70%-ы НТК арнасының контенті құрайды және мұның бәрі де түрлі жанрдағы көркем фильмдер.
