ҮЗДІК 10 АРНА
Бұл апта тұтастай алғанда барлық арналар үшін көрсеткіштердің төмендеуімен ерекшеленді. Осылайша еліміздегі эфирлік хабар таратудың алғашқы ондығындағы кестеге де әсерін тигізді. Еуразия бірінші арнасы және КТК өз орындарын сақтап қалды. НТК Qazaqstan ұлттық арнасынан басып озып, 6-шы орыннан бірден 3-ші орынға көтерілді. Ал қалған арналар үздік ондықтағы орындарын сақтап қалды.
ҮЗДІК 10 ЖАҢАЛЫҚТАР ЖӘНЕ АҚПАРАТТЫҚ-САРАПТАМАЛЫҚ БАҒДАРЛАМАЛАР
Қараша айының басы жаңалықтар топталарында айтарлықтай өзгерістер болған жоқ. Еуразия бірінші арнасының орыс тіліндегі жаңалықтар шығарылымымен көшбасшылықты сақтап қалды, ал оның қазақ тіліндегі жаңалықтары үшінші орында тұр. Екінші орында КТК. 1,46 % рейтинг жинаған 31 арнадағы «Informburo» төртінші орын иеленді.
Еуразия бірінші арнасындағы Үкімет жұмысына шолу жасайтын «Парламент онлайн» бағдарламасы мен «Аналитика» жобасы ел көрермендерінің ыстық ықыласына бөленіп келеді. Демек үздік ондықтағы алғашқы екі орын осы бағдарламалардың еншісінде. Ал Qazaqstan арнасындағы «Апта» аналитикалық бағдарламасымен үшінші орында тұр.
ҮЗДІК 10 ОЙЫН-САУЫҚ БАҒДАРЛАМАСЫ
«Алдараспан» нысанаға дөп тиіп жүр. Өйткені – КТК, Almaty TV және 31 арна осы әзіл-оспақ шоуын эфирге беру арқылы өздеріне жақсы рейтинг жинап, көрермендерді де қуантып отыр. Сондай-ақ, көшбасшылар үштігінде «Әзіл Man» бағдарламасымен Жетінші арна бар.
Еуразия бірінші арнасындағы «QosLike» романтикалық шоуы жұма күні ең қызықты шығарылымын эфирге берді. Осылайша осы аптада бірінші орынға шықты. Одан кейін КТК арнасындағы «Астарлы ақиқат» ток-шоуы тұр. Үшінші орынға Жетінші арнадағы «Маска Kazakhstan» жобасының жаңа маусымы ие болды.
ҮЗДІК 10 МУЗЫКАЛЫҚ ЖӘНЕ ТАНЫМДЫҚ БАҒДАРЛАМАСЫ
Qazaqstan музыкалық бағдарламалар санатында үздіктер шеруін бастап келе жатқанына біраз уақыт болды. Осы аптада да «Жұлдызды жұп» конкурсы және «Көңіл толқыны» концерттік бағдарламаларымен көш бастады. Одан кейінгі екі орынды КТК арнасы ұсынған «Әнім сен едің» және «Әсеттің әсем әндері-ай» бағдарламалары алды.
Танымдық бағдарламалардың ішінде КТК-дағы «Din Dina show» жаңа жобасы бірінші орынға ие болды. Оны танымал тележүргізуші Дина Төлепберген жүргізетінін де ескеретін болсақ, жобаның қысқа мерзімде бірінші орынға көтерілуі заңдылық сияқты. Еуразия бірінші арнасындағы «Доброе утро Казахстан» таңертеңгілік бағдарламасы бұл жолы екінші орында, ал Balapan арнасындағы «Сен білесің бе?» үшінші орынға ие болды.
ТОП-10 ӘЛЕУМЕТТІК-ЭКОНОМИКАЛЫҚ ЖӘНЕ БАСҚА БАҒДАРЛАМАЛАР
Әлеуметтік-экономикалық бағдарламалардың үздік ондығын Еуразия бірінші арнасындағы «Koremiz» ток-шоуының дүйсенбі, 4 қараша күнгі шығарылымы бастап тұр. Одан кейін «Дау-дамайсыз» шоуының жұма күнгі шығарылымымен КТК жайғасты. Бұл санатта Qazaqstan телеарнасының бағдарламалары үшінші орынға ие болды. Сондай-ақ бесінші орыннан оныншы орынға дейінгі орындар да ұлттық арна еншісінде.
Balapan балалар телеарнасы жас көрермендердің көңілінен толықтай шыға біледі. Осылайша өзге де бағдарламалар санатындағы барлық орындарға еш шүбәсіз ие болады. Би және аспаздық шоулар, анимациялық сериалдар мен әртүрлі бәсекеге толы додалар, ойындар кішкнетай көрермендердің арасында өте танымал болған.
ҚАЗАҚСТАНДЫҚ ТЕЛЕХИКАЯЛАР МЕН ФИЛЬМДЕРДІҢ ТОП-10-Ы
Үздік үштіктегі екі орынды балалар телеарнасынан көрсетілген телехикаялар иеленді. Ал бірінші орында Qazaqstan ұсынған «Көршінің қызы» сериалы тұр. Бестікте Astana TV ұсынған «Ангел-хранитель» мен «Зу-зу Күлпаш» телехикаялары бар.
Елордалық арна көркем фильмдер санатында да әріптестерін сан соқтырды. «Бөлек шығайық» және «Робот айел» картиналары да үздіктер қатарында тұр. Үшінші орын Жетінші арнадағы («Біз екеуіміз» фильмі), төртінші орында Qazaqstan көрсеткен «Паралимпиец» драмасы. Бұл фильмдердің барлығы жексенбі күні эфирге шықты.
Ал сенбі күні көрермендер Astana TV арнасындағы «Әке арманы» деректі фильмін тамашалады. Оның рейтингі өз тобында ең жоғары болды.
ҮЗДІК 10 ШЕТЕЛДІК БАҒДАРЛАМАЛАР, ФИЛЬМДЕР МЕН СЕРИАЛДАР
Еуразия бірінші арнасындағы «Поле чудес» пен «Точь в точь» ойын-сауық шоулары көшбасшылықты әзірге ешбір бағдарламаға бермей келеді. Үздік үштікті НТК арнасындағы «Однажды в России» әзіл-сықақ шоуы түйіндеп тұр. Сондай-ақ, үздік ондық сапында Мир телеарнасы, 31 арна, Балапан және Хабар бар.
«Великолепный век. Хюррем» (Жетінші арна) бірінші орында, сәрсенбі 6 қараша күні эфирге берілген сериясы көп көрермен жинаған. 31 арна көрсеткен «Перевозчик-2» және НТК ұсынған «Мегалодон» фильмдері үздік үштік сапында. Осы аптаның үздік ондығында фильмдер мен телехикаялардың 5/5 теңқатынасы бар екенін де айта кету керек.
