ҮЗДІК 10 АРНА
Бұл аптадағы көшбасшылардың үздік үштігі өзгеріссіз қалды. НТК үшінші орынын сақтап қалды. Ал Жетінші арна өз позициясын жақсартып, жетінші орыннан төртіншіге көтерілді. Мир телеарнасы бесінші орынды сақтап қалды, ал Qazaqstan алтыншы орынға төмен түсті. Үздік ондықтан Qazsport түсіп қалып, Almaty TV қатарға қосылды.
ҮЗДІК 10 ЖАҢАЛЫҚТАР ЖӘНЕ АҚПАРАТТЫҚ-САРАПТАМАЛЫҚ БАҒДАРЛАМАЛАР
Еуразия бірінші арнасы, КТК, 31 арна және Qazaqstan — Қазақстанның үздік телевизиялық ньюсмейкерлері екені анық. Сонымен қатар, екі тілде хабар тарататын арналарда орыс тіліндегі жаңалықтардың қаралымы көбірек екенін де ескеру керек. Айта кетейік, көптеген телеарналарда есту қабілеті нашар көрермендер сурдоаудармаға жүгінеді.
Аналитикалық бағдарламалар санатында аптаның көшбасшысы «Аналитика», «Парламент Онлайн» бағдарламаларын көрсететін Еуразияның бірінші арнасы және «Асау жаңалықтар» қорытынды сараптамалық жобасы. Екінші үштікте -Qazaqstan, Хабар және КТК шолу шығарылымдары үздіктер қатарында.
ҮЗДІК 10 ОЙЫН-САУЫҚ БАҒДАРЛАМАСЫ
Осы аптада Жетінші арна әзіл-сықақ шоуларын күтіп көретін көрерменнің назарын өзіне аударды. Осылайша «Әзіл Man» шоуы 0,57% рейтинг жинап, осы аптаның үздігі атанды. Хабар арнасымен жұптасқан Жетінші арна 31 арнаны басып озды. Көбінесе 31 арна осы санатта көшбастап кететіні белгілі. Дегенмен 31 арна осы аптада он позицияның жартысына ие болды.
«Qoslike»,«Астарлы ақиқат» және «Маска Kazakhstan» рейтингтік шоуларымен Еуразия бірінші арнасы, КТК және Жетінші арна – ойын-сауық шоулары тобында өз орындарын сақтап отыр. Сондай-ақ, ТОП бестігінде КТК арнасының екі танымал шоуы да бар.
ҮЗДІК 10 МУЗЫКАЛЫҚ ЖӘНЕ ТАНЫМДЫҚ БАҒДАРЛАМАСЫ
«Жұлдызды жұп» музыкалық шоуы, «Көңіл толқыны» концерттік бағдарламасымен бірге Qazaqstan ұлттық телеарнасын алға жетелеп келеді. Екі жоба да бірінші, екінші орында. Үшінші орында Жетінші арна, одан кейінгі үш орынды КТК әртүрлі концерттік бағдарламаларымен үздіктер қатарында.
КТК арнасындағы «Din Dina Show» танымдық бағдарламалар санатында көшбасшы атанды. Бұл санаттың алғашқы үштігінде Qazaqstan арнасындағы «1001түн» және Еуразия бірінші арнасының таңғы бағдарламасы бар.
ТОП-10 ӘЛЕУМЕТТІК-ЭКОНОМИКАЛЫҚ ЖӘНЕ БАСҚА БАҒДАРЛАМАЛАР
Осы аптада көшбасшылар үштігінде: Еуразия бірінші арнасындағы танымал «Koremiz» жобасы және КТК арнасындағы «Дау-дамайсыздан» кейін Qazaqstan арнасынан беріліп жүрген «Жақсылық жаса» бағдарламасы үшінші орынға шықты. Айтпақшы, осы арнадағы төрт жоба да үздіктер ондығында.
Еліміздегі жалғыз балалар телеарнасы Balapan өзге де бағдарламалар санатындағы барлық он орынды иеленеді. Бұл жолы «Дара бала» жобасы ең жоғары рейтинг жинаған. Жалпы, алғашқы төрт орын сенбі күнгі эфирдің бағдарламаларына тиесілі. «Дара баладан» бөлек тағы да үш анимациялық сериал бар.
ҚАЗАҚСТАНДЫҚ ТЕЛЕХИКАЯЛАР МЕН ФИЛЬМДЕРДІҢ ТОП-10-Ы
Балаларға арналған сериалдар да көрермендердің назарын өзге арнадағы хикаялардай өзіне аудара біледі. Үздік телехикаялардың қатарында Qazaqstan мен Balapan арналары көрсеткен «Көршінің қызы», «Вундеркинд бала», «Шеше», «Замандастар» деген сериалдар бар.
Экран алдына көптеген көрермен жинаған көркем фильмдер Astana TV, 31 арна, Хабар және El Arna арқылы көрсетілді. Олар негізінен демалыс күндері рейтинг жинады.
Үздік деректі фильм 15 қараша, яғни жұма күні Хабар телеарнасынан көрсетілді. Ол «Қазақ елі» деп аталады.
ҮЗДІК 10 ШЕТЕЛДІК БАҒДАРЛАМАЛАР, ФИЛЬМДЕР МЕН СЕРИАЛДАР
Еуразия бірінші арнасындағы «Поле чудес» капитал-шоуы әдеттегідей ең жоғары рейтинг жинады. Өзге бағдарламалар оның көрсеткшіне өте сирек жақындайды. Осы аптада да дәстүрлі көшбасшыданкейінгі екінші орынды Мир телеарнасындағы «Игра в кино. Чемпионат мира» жобасы иеленді. Ал үшінші орында Еуразия бірінші арнасындағы «Точь в точь» жобасы.
Жетінші арнадағы «Великолепный век. Хюррем» түрік сериалы шетелдік фильмдер мен сериалдар санатында көшбасшылықты жалғастыруда. Өткен бейсенбі яғни 14 қараша күні оның осы кезеңдегі ең қызықты сериясы шықты. Екінші орында Еуразия бірінші арнасы көрсектен «Продается дом с собакой» сериялы бар. Ал үшінші орында НТК арнасы берген «Джек Ричер» фильмінің еншісінде. Айтпақшы, НТК арнасы осы санаттың алғашқы ондығында бірден төрт орынға ие болғанын ерекше айта кету керек.
