ҮЗДІК 10 АРНА
Өткен аптадағы көшбасшылар үштігінде айтарлықтай өзгеріс жоқ. Олар: Еуразия бірінші арнасы, КТК және МИР телеарналары. Каналдар ел телекөрермендерінің 40%-ын өз хабарларымен қамти алды. Сондай-ақ өткен аптада НТК, Qazaqstan, Жетінші арна және 31 арна, Astana TV, Balapan мен Almaty TV үздік ондықтан ойып тұрып орын алды.
ҮЗДІК 10 ЖАҢАЛЫҚТАР ЖӘНЕ АҚПАРАТТЫҚ-САРАПТАМАЛЫҚ БАҒДАРЛАМАЛАР
Еуразия бірінші арнасының қазақ тілді «Басты жаңалықтар» шығарылымы бірінші орында. Бейсенбі күні эфирге берілген жаңалықтар топтамасы өткен аптада ең жоғары рейтингке ие болып, өзінің орыс тілді әріптестері «Главные новости» шығарылымын 0,36% — ға басып озды. Бұл ретте, КТК үшінші орында тұр.
Сондай-ақ, Еуразия бірінші арнасы ақпараттық-сараптамалық бағдарламалар санатындағы үздік үштікке де өзі ие болды. «Аналитика», «Парламент онлайн» және «Асау жаңалықтар» жобалары танымалдығы бойынша басқа арналарды басып озды.
ҮЗДІК 10 ОЙЫН-САУЫҚ БАҒДАРЛАМАСЫ
Әзіл мен әзіл-оспақ бағыты бойынша өткен апта Almaty TV, Жетінші арна және Astana TV үшін сәтті өтті деуге негіз бар. Сенбі күні көрермен назарына ұсынылған «Үздік әзілдер», жексенбі күні берілген «Әзіл Man», «Шымкент Шоу» және «Алдараспан» жобалары демалыс күндері ең көп көрермен жинай алды.
1% — дан астам рейтингке біздің арналардың төрт танымал ток-шоуы ие болды. Олар: Еуразия бірінші арнасындағы «QosLike», КТК көрсететін «Астарлы ақиқат» пен «Кел, шырқайық!» және Жетінші арнаның өнімі «Маска Кazakhstan». Еуразия бірінші арнасындағы ең жоғары көрсеткіш-1,81% құрайды.
ҮЗДІК 10 МУЗЫКАЛЫҚ ЖӘНЕ ТАНЫМДЫҚ БАҒДАРЛАМА
Жексенбі күні КТК композитор Шәмші Қалдаяқовтың ән кешін берді. Бұл концерт көшбасшылықтан көптен бері түспей келе жатқан Qazaqstan арнасындағы «Жұлдызды жұп» шоуын бір сатыға төмен түсірді. Осылайша ең жоғары рейтингке ие болды. Үшінші орында El Arna эфирінен көрсетіліп жүрген «Айтыстың алтын қоры» деп аталатын бағдарлама.
Соңғы бірнеше аптада жаңа рекордар жаңара бастады. Өйткені «Din Dina Show» жобасы КТК көрермендерінің сүйікті бағдарламасына айналды деуге негіз бар. Еуразия бірінші арнасының таңғы бағдарламасы екінші орында. Ал үшінші орын Balapan арнадағы «Сен білесің бе?» жобасының еншісінде.
ТОП-10 ӘЛЕУМЕТТІК-ЭКОНОМИКАЛЫҚ ЖӘНЕ БАСҚА БАҒДАРЛАМАЛАР
Әлеуметтік шоулар санатында көшбасшылар өз позицияларын ешкімге бермеуге бекінген. Еуразия бірінші арнасындағы «Koremiz» ток-шоуы апталық рейтингте көшбастап тұр. КТК арнасындағы «Дау дамайсыз» екінші орында. Ал Еуразия бірінші арнасындағы «Заң мен ел» бағдарламасы үшінші орынға табан тіреді. Өткен апта Qazaqstan ұлттық телеарнасы алғашқы ондықта бірден бес орынға ие болғанын да ерекше айта кету керек.
Жоғарыда аталған санаттарға кірмеген бағдарламалар тобында да өзгерістер жоқ. Balapan балалар телеарнасы жан-жақты дамыған ұрпақ тәрбиесіне көп көңіл бөліп, жас көрермендерге қызықты да тартымды авторлық жобаларын ұсынып отыр.
ҮЗДІК 10 ҚАЗАҚСТАНДЫҚ ФИЛЬМДЕР МЕН СЕРИАЛДАР
Кез келген талғамға және әртүрлі жанрларға арналған сериалдар отандық теледидарда көптеп ұсынылған. «Көршінің қызы» деп аталатын сериалды көрсететін Qazaqstan телеарнасы өзге әріптестерінен оқ бойы озық тұр. Одан кейін «Зу-зу Күлпаш» пен «Бумеранг» атты екі хикаяны көрсететін AstanaTV бар.
Сондай-ақ, елордалық арна отандық фильмдер рейтингінде де алғашқы екі орынды иеленді («Coco Jambo» және «Больше чем в кино»). Үшінші орында «Белгісіз батырлар» көркем картинасын ұсынған 31 арна бар.
Өткен дүйсенбіде «Сельская медицина в эпоху цифры» деп аталатын деректі фильм қазақстандықтар үшін өзекті тақырыпты ашып, аптаның ең көп қаралған жобасына айналды. Бұл фильм МИР телеарнасының эфиірінен көрсетілді.
ҮЗДІК 10 ШЕТЕЛДІК БАҒДАРЛАМАЛАР, ФИЛЬМДЕР МЕН СЕРИАЛДАР
Еуразия бірінші арнасы шетелдік бағдарламалардың үздік ондығынан үш рет көріне білді. Бұл санаттағы тұрақты көшбасшысы – «Поле чудес» ток-шоуы (1 орын), «Точь в точь» ойын-сауық шоуы (3 орын) және «Давай поженимся!» (9 орын). Екінші орында НТК арнасы көрсететін «Однажды в России» әзіл-сықақ шоуы тұр.
Жетінші арнаның эфирінен беріліп жүрген «Великолепный век. Хюррем» көшбасшылықты өзіне қайтара білді. Еуразия бірінші арнасы көрсететін «Первый отдел — 3» мен «Противостояние» сериалдары екінші және үшінші орында. Үздік ондық сапында үш түрік және екі ресей телехикаялары, және бес көркем фильм бар.
