ҮЗДІК 10 АРНА
Қазір көп қаралым жинайтын, танымаларналардың алғашқы һәм үздік үштігі ел көрермендерінің 40% — дан астамын сапалы контентпен қамтамасыз етіп отыр. Бұл Еуразия бірінші арнасы, КТК және 31 арна. Ерекше айта кететін жайт 31 арна рейтингі бірден жоғарылады. Мәселен, өткен аптада ол 0,41% көрсеткішпен алтыншы орынды иеленсе, бір аптаның ішінде 0,56% және 10% — дан астам көрермендер үлесін қамтып үлгерген. НТК өте аз рейтинг жинап төртінші орынға түсті. Үздік деп танылған арналар осы позицияларын қаншалықты мықтап ұстай алатынын уақыт көрсетеді.
ҮЗДІК 10 ЖАҢАЛЫҚТАР ЖӘНЕ АҚПАРАТТЫҚ-САРАПТАМАЛЫҚ БАҒДАРЛАМАЛАР
Осы аптаның үздік ондығының басында КТК тұр. Арна жұма күнгі жаңалықтар шығарылымымен бәрін де басып озды (2,83%). Осылайша рейтинг бойынша Еуразия бірінші арнасын артта қалдырды. Осы КТК арнасында шығатын «Жаңалықтар» шығарылымы яғни қазақ тіліндегі ақпараттар ағыны бесінші орында, көрсеткіші 1,33%. Сейсенбі, 17 желтоқсан, жаңалықтар үшін ең сәтті күн болды десек те артық емес.
Ал Еуразия бірінші арнасы ақпараттық-сараптамалық бағдарламалар санатындағы алғашқы үш орынды да иеленді. Сондай-ақ, үздік ондық сапында Qazaqstan, Astana TV, 24 KZ және Хабар арналарының апталық шолулары бар.
ҮЗДІК 10 ОЙЫН-САУЫҚ БАҒДАРЛАМАСЫ
Өткен апта ел тұрғындары аптаның біраз күнін демалысқа арнағаны белгілі. Көрермендердің дені әзіл-оспақ шоуларын тамашалағанын аңғару қиын емес. Өйткені Astana TV («Әзілің жарасса»), Жетінші арна («Әзіл әлемі») және КТК («Шымкент Шоу») ең жоғары рейтингтерге ие болды.
Ойын-сауық ток-шоуларының ішінде көрермендердің сүйікті бағдарламаларының бірі ретінде «QosLike» жобасын атауға негіз бар. Бірінші орын солардың еншісінде. Ал екінші орында КТК ұсынатын «Астарлы ақиқат» бағдарламасы тұр. Балапан телеарнасы «Ән салайық» бағдарламасымен үздік үштікті түйіндейді.
ҮЗДІК 10 МУЗЫКАЛЫҚ ЖӘНЕ ТАНЫМДЫҚ БАҒДАРЛАМАЛАР
Еліміздегі мереке күндері музыкалық бағдарламалардың қосымша тынысы ашылып, қанаттанып биіктерге самғайды. Сол себепті 16 желтоқсан яғни дүйсенбінің өзінде және аптаның соңында телеконцерттер жоғары рейтингтерге ие болды. Astana TV және Qazaqstan арналары музыкалық контенті бар арналар арасында үздік атанды.
Танымдық жобалар контенті бойынша сапалы әрі өзекті өнімдерімен Qazaqstan арнасы ерекшеленеді. Өйткені осы арнаның төрт бағдарламасы осы санатындағы рейтингтің алғашқы ондығына енді. Балапан арнасы «Bala Time» бағдарламасымен бірінші орында, Еуразия бірінші арнасының таңғы шоуы үшінші орынға тұрақтады.
ТОП-10 ӘЛЕУМЕТТІК-ЭКОНОМИКАЛЫҚ ЖӘНЕ БАСҚА БАҒДАРЛАМАЛАР
Еуразия бірінші арнасының танымал ток-шоуы атауын өзгертті. «Koremiz show» да көрермендер арасында әлі де беделді және бірінші орынды сенімді түрде иеленді. Сенбі күнінің эфирі Qazaqstan және Еуразия бірінші арналарына да жоғары рейтингтер әкелді.
Басқа да бағдарламалардың арасында дәстүр бойынша үздік ондықтағы барлық жобалар Balapan телеарнасына тиесілі. Кішкентай көрермендер анимациялық телехикаяларды, аспаздық шоуларды, шоу-бағдарламаларды,балалар фильмдерін және телехикаяларды күтіп тамашалайды десек те қателеспейміз.
ҚАЗАҚСТАНДЫҚ ТЕЛЕХИКАЯЛАР МЕН ФИЛЬМДЕРДІҢ ТОП-10-Ы
Qazaqstan арнасындағы «Көршіңнің қызы» сериалы көптеген көрерменнің ыстық ықыласына бөленіп, жоғары рейтингке ие болды. Оның бейсенбі күнгі көрсетілген сериясы 1,37% жинады. Бұл Хабар арнасындағы «Келінжан» хикаясынан 0,54% жоғары (2-ші орын). Үшінші орында 31 арна эфирінен берілген «Тырна» теленовелласы.
Тәуелсіздік күні көптеген көрермендер отандық көркем фильмдерді көруге уақыттарын арнады. Алғашқы ондықтағы фильмдердің 60% — ы дәл осы күні көрсетілген. Бірінші орында «Аппақ келін» фильмін көрсеткен Жетінші арна тұр.
Сондай-ақ, осы күні Qazaqstan арнасының эфирінде «Бірегей» деректі циклының эпизоды көрсетілді. Осылайша деректі бағдарламалар арасында ең жоғары рейтингке ие болды.
ҮЗДІК 10 ШЕТЕЛДІК БАҒДАРЛАМАЛАР, ФИЛЬМДЕР МЕН СЕРИАЛДАР
Көрермендер талғамы сан түрлі. Бұл тұжырымды осы санаттағы шетелдік өндіріс бағдарламаларына қарап жасауға болады. Әдеттегідей Еуразия бірінші арнасы эфирінен берілетін «Поле чудес» және КТК арнасынан көрсетілген «Битва сильнейших. Экстрасенсы» үздік жобалар ретінде танылды.
Ал шетелдік телехикаялар бойынша 31 және Жетінші арналар өткен аптада ғажап нәтиже көрсетіп алғашқы екі орынды алды. НТК арнасы көресткен «Клык» сериалы үздік үштікті түйіндеді.
