ҮЗДІК 10 АРНА
Желтоқсан айында көшбасшылардың үштігі келесідей: Еуразия бірінші арнасы (алдына арна салмады), КТК (кәсібилік және контент сапасы) және НТК (көрерменнің талғамын дөп басу және трендтерді ұстану). Үздіктер қатарында 31 арна да бар. Бұл арна өнімділігі мен шығармашылыққа жақсылап назар аударуымен де құрметке лайық. Үздік ондықтың көрсеткіштерін зерттей отырып, отандық телевизияның негізгі ойыншыларын алыстан аңғарасыз. Өйткені олардың контенті күнделікті және сағат сайын рейтинг үшін, сапалы дүние беру үшін күресетіні көптеген көрерменге ұнайды. Алдағы уақытта да керемет контент жасаушыларға сәттілік тілейміз!
ҮЗДІК 10 ЖАҢАЛЫҚТАР ЖӘНЕ АҚПАРАТТЫҚ САРАПТАМАЛЫҚ БАҒДАРЛАМАЛАР
Еуразия бірінші арнасынан шыққан «Главные новости» шығарылымының үшінші желтоқсан күнгі эфирі ең жоғары рейтинг бойынша да, желтоқсанның жиырма бір эфирі орташа рейтинг бойынша да бірінші орынды алды. КТК өзге арнадағы әріптестерінен де жаңалықтар топтамасын ең көп шығарғанына қарамастан екі көрсеткіш бойынша да екінші орында. 31 арнаның 3 желтоқсан күнгі Informburo ең жоғары рейтинг бойынша үшінші орын, ал Еуразия бірінші арнасындағы «Басты жаңалықтар» 42 шығарылымы үшін орташа рейтинг бойынша үшінші орынға ие болды.
Еуразия бірінші арнасы ақпараттық-сараптамалық бағдарламалар санатында желтоқсан айының орташа рейтингі бойынша бірден төрт орынды иеленді. Ал жоғары рейтингі бар бағдарламалар арасында үшінші орында Жетінші арнаның «Что это было?» жобасы бар. Жетінші арна орташа рейтинг бойынша ондыққа енбеседе, үздік шоулар тізімінде екі рет жарқырады.
ҮЗДІК 10 ОЙЫН-САУЫҚ БАҒДАРЛАМАСЫ
Өздеріңізге мәлім, желтоқсан мерекеге толы ай. Демек көрермендер теледидардан ойын-сауық бағдарламаларына көбірек уақыт бөле алады. Бұл бағыттағы сүйікті бағыттардың бірі-әзіл-оспақ шоулары. 31 желтоқсанда Жетінші арнада Тұрсынбек Қабатовтың «Сахнада 20 жыл» мерейтойлық кеші көрсетілді. Ол өз санатындағы бағдарламалар арасында ең жоғары рейтинг жинады. Qazaqstan арнасы «Әзіл әлемі» жобасымен екінші орында, үшінші орында Astana TV және Jibek Joly тұр.
Екінші желтоқсан күні КТК-дағы «Астарлы ақиқат» ток-шоуы ең жоғары рейтинг жинағанына қарамастан, бір айдағы барлық 39 шығарылымы бойынша да жоғары, орташа рейтингке жете алмады. 31 арнадағы «Өнер қырандары» отбасылық концерті ең жоғары рейтинг бойынша екінші және орташа рейтинг бойынша бірінші орынды иеленді. Жаңа жылдық кеште «Шаншар» мерейтойлық шығарылымымен Astana TV телеарнасы ең жоғары көрсеткіш бойынша үшінші және орташа көрсеткіш бойынша екінші орынға қол жеткізді.
ҮЗДІК 10 МУЗЫКАЛЫҚ БАҒДАРЛАМА
Жылдың соңғы күні дәстүр бойынша музыкалық бағдарламалар және Жаңа жылдық фильмдер эфирден толассыз беріліп жатады. Көптеген санаттардағы рейтингтердің күрт жоғарылап кететіні де таңқаларлық құбылыс емес. Көшбасшылар үштігі – Qazaqstan, Жетінші арна және Хабар.
Ал КТК танымдық бағдарламалар тобында бірінші орында, бұл «Din Dina Show» және «Эзотерика. Эксплуатация веры» жобаларына тиесілі. Еуразия бірінші арнасындағы «Доброе утро, Казахстан» жобасы бір айа 42 рет эфирге шықты. Оның орташа рейтингі төртінші орында, бұл ретте 12 желтоқсандағы шығарылымы ең жоғары көрсеткіш бойынша екінші орынға ие болды.
ҮЗДІК 10 ӘЛЕУМЕТТІК-ЭКОНОМИКАЛЫҚ ЖӘНЕ БАСҚА БАҒДАРЛАМАЛАР
Өткен жылдың соңғы минуттарында еліміздің барлық арналарында көрсетілген Қазақстан Республикасының Президенті Қасым-Жомарт Тоқаевтың Жаңа жылмен салтанатты құттықтауы ең жоғары көрсеткішке ие болды. Ең көп көрермен оны Qazaqstan арнасынан тамашалаған екен.
Әдеттегідей, балалар бағдарламалары, мультфильмдер мен сериалдар әдетте басқа да бағдарламалар санатына жатады. Желтоқсан айында Balapan телеарнасына Алдар Көсе мультфильмі мен және «Дара бала» шоуымен рейтингтің үздік ондығына Qazaqstan арнасы қосылды.
ҚАЗАҚСТАНДЫҚ ТЕЛЕХИКАЯЛАР МЕН ФИЛЬМДЕРДІҢ ҮЗДІК ОНДЫҒЫ
Qazaqstan және НТК өздерінің «ЖБ» (17 серия) және «Көршінің қызы» (31 серия) серияларымен ең жоғары және орташа көрсеткіш бойынша рейтингтердің алғашқы екі жолын бөлісті. Екі сериал да көрермендердің үлкен қызығушылығын тудырды және үнемі жоғары көрсеткіштерге ие болды.
Qazaqstan ұлттық арнасы сапалы әрі қызықты көркем фильмдердің қоймасы десек те артық болмас. Өйткені алғашқы ондықтағы рейтингті фильмдердің 60 %-дан астамы осы арнаға тиесілі. Желтоқсан айында ең жоғары көрсеткіш «Еркебай» фильмінде. Айта кетейік, «Бизнес по-казахски» франшизасының жекелеген эпизодтары көрермендер мен арна редакторларын қуантуын жалғастырып келеді.
Үздік деректі фильм Astana TV арнасынан берілді. Павлодар қаласындағы теміржол вокзалына уқымды қайта құру туралы «Перрон перемен» жобасы үздік деп танылды. Фильм Kaz Minerals компаниялар тобының қолдауымен түсірілген. Эфирге 3 желтоқсан күні берілді.
ҮЗДІК 10 ШЕТЕЛДІК БАҒДАРЛАМАЛАР, ФИЛЬМДЕР МЕН СЕРИАЛДАР
Еуразия бірінші арнасындағы «Новогодняя ночь на Первом 30 лет спустя» жобасы рекордты жаңартып, көрермендердің сүйікті «Поле чудес» шоуын басып озды. Қалай болғанда да, осы санаттағы алғашқы екі орын да Еуразия бірінші арнасына тиесілі. Сонымен қатар НТК да «Уральские пельмени. Заливной огонек» әзіл-сықақ шоуымен және «Шрек мороз – зеленый нос» мультфильмімен екі орынды да яғни үшінші және төртінші орынды иеленді.
Ең жоғары рейтингтегі сериалдар мен фильмдер арасындағы орындар да өзгеріссіз қалды деуге болады. Мұнда «Великолепный век. Хюррем», «Первый отдел-3» және «Великолепная семерка» жобалары көшбасшылықты ешкімге бермеуге бекінген сыңайлы. Алайда орташа рейтинг бойынша Жаңа жыл бір қатар өзгерістер алып келді. Өйткені 31 арнадан көрсетілген «Один дома 2. Потерявшийся в Нью-Йорке» фильмі бірінші орынға шықты.
