ҮЗДІК 10 АРНА
Аптаның үздік бес арнасына тап өтейік – бұл Еуразия бірінші арнасы, Жетінші арна, НТК, 31 арна және Qazaqstan. Олар осы аптада ел көрермендері үшін Жаңажылдық атмосфера мен мерекелік көңіл-күй сыйлай алды. Бұл арналардың жалпы эфирдегі үлесі 56 %-ы құрады. Әрі қарай, телевизия контентінің түрлі санаттарындағы әрбір жеке арнаның көрсеткіштерін келтіреміз.
ҮЗДІК 10 ЖАҢАЛЫҚТАР ЖӘНЕ АҚПАРАТТЫҚ-САРАПТАМАЛЫҚ БАҒДАРЛАМАЛАР
Өткен жылдың соңғы дүйсенбісіндегі ақпараттық шығарылымдар көрермендердің назарын аударды. Дәл сол күні көптеген арналардың рейтингті де жоғары болған. Алғашқы үш орынға КТК, Еуразия бірінші арнасы және Мир ие болды.
Жылдың алғашқы аптасы 24 kz, Qazaqstan және Atameken Business арналары үшін сәтті болды. Олардың аналитикалық жобалары мен таңғы жаңалықтар бағдарламалары үздік ондықта. Айта кетейік, осы аптаның эфирінде Еуразия бірінші арнасының апталық сараптамалары болған жоқ.
ҮЗДІК 10 ОЙЫН-САУЫҚ БАҒДАРЛАМАСЫ
Әзіл-сықақ шоуларын көрермендер өте жақсы көреді, сондықтан мереке аптасында олар керемет көңіл-күй сыйлады. Тұрсынбек Қабатовтың сахнада жүргенінің 20 жылдығына арналған мерейтойлық концертін көптеген адам тамашалаған. Бұл концерт 31 желтоқсан күні Жетінші арнаның эфирі арқылы көрсетілді. Qazaqstan «Әзіл әлемі» шоуымен екінші орында, үшінші орында «Шаншарды» көрсеткен Astana TV тұр.
Сондай-ақ, КТК эфирінен берілген «Шаншар 30 жыл» мерейтойлық кеші жылдың алғашқы күні арнаны бірінші орынға және Astana TV арнасын үшінші орынға шығарды. Ойын-сауық бағдарламалары арасында екінші орында 31 арнадан 31 желтоқсан күні көрсетілген «Өнер қырандары. Отбасылық концерт» бағдарламасы тұр.
ҮЗДІК 10 МУЗЫКАЛЫҚ ЖӘНЕ ТАНЫМДЫҚ БАҒДАРЛАМАЛАР
Мерекеге байланысты осы аптаның музыкалық бағдарламалары ерекше жоғары рейтингтерге ие. Astana TV, Qazaqstan, Жетінші арна, Хабар және КТК арналарының концерттік бағдарламалары 1,23% — дан 2,90 % — ға дейінгі рейтингтерді көрсетті. Бұл басқа кезеңдерге қарағанда әлдеқайда жоғары.
Balapan арнасы «12-ге дейін» бағдарламасымен танымдық бағдарламалар санатында бірінші орынға ие болды. Екінші орында Qazaqstan арнасынан жексенбі күні көрстілген «Қазақ жылқысы» сюжеті алды, келесі екі орынды Еуразия бірінші арнасының қазақ және орыс тілдеріндегі таңғы шоулары иеленді.
ТОП-10 ӘЛЕУМЕТТІК-ЭКОНОМИКАЛЫҚ ЖӘНЕ БАСҚА БАҒДАРЛАМАЛАР
Дәстүр бойынша, жылдың соңғы күнінде бәріміз Президенттің ресми құттықтауын күтеміз. Бұл өткен жылды қорытындылап, келер жылға жоспар құрып, жаңа үміттерді үкілейтін ерекше сәт. Әдеттегідей ең жоғары рейтингке Жаңа жыл қарсаңында барлық арналарда Қасым-Жомарт Тоқаевтың құттықтауы ие болды.
Қысқы демалыстары мен мерекелердің басталуына қарамастан, балалар бағдарламаларының рейтингі орташа деңгейінде қалды. «Алдар Көсе туралы ертегілер» анимациялық сериалы үшін Qazaqstan телеарнасы жоғары көрсеткішке қол жеткізді. Әлбетте, арнаның аудиториясы өте ауқымды екенін де ескеруіміз керек. Басқа да бағдарламалар санатындағы үздік ондықтың қалған тоғыз орынын Balapan телеарнасының әр түрлі бағдарламалары алады.
ҚАЗАҚСТАНДЫҚ ТЕЛЕХИКАЯЛАР МЕН ФИЛЬМДЕРДІҢ ТОП-ОНДЫҒЫ
«Көршіңнің қызы» сериалы бірінші орында. 30 желтоқсан күні көрсетілген сериясы 1,11% рейтинг жинады (Qazaqstan). Осы арнадағы тағы бір хикая көрермендердің қызығушылығын тудырды. Бейсенбі, 2 қаңтардағы «Iqanat off-Line» жобасының көрсетікіші де жоғары. НТК арнасындағы «Dostyq» телехикаясы үшінші орында.
Жетінші арнамен Qazaqstan (1,67% және 1,66%) эфирінде өткен «Tastaimyn-ay seni» және «Нурикамал» фильмдерінің рейтингтері жоғары әрі бірдей. Ұлттық арнаның «Еркебай» комедиясы үштікті қортындылайды.
4 қаңтар күні 31 арнада көрсетілген деректі фильм көрермендердің үлкен қызығушылығы мен назарын аударды. «Қантар. Попытка переворота. Как это было» фильмін ҚР Президентінің Телерадио Кешені түсірген.
ҮЗДІК 10 ШЕТЕЛДІК БАҒДАРЛАМАЛАР, ФИЛЬМДЕР МЕН СЕРИАЛДАР
Еуразия бірінші арнасы рейтинг бойынша алғашқы екі орынға ие болды. Олар: «Новогодняя ночь на Первом 30 лет спустя» және «Голосящий КИВИН-24». 1 қаңтар күні Жетінші арнада эфирге шыққан «Дискотека 80-х» үшінші орында. Шетелдік бағдарламалар рейтингінің алғашқы ондығына Еуразия бірінші арнасынан бес бағдарлама енді.
Жаңа жылдық сүйікті фильмдердің бірі — «Один дома 2. Потерявшийся в Нью-Йорке» 31 арнадан көрсетілді әрі ең жоғары рейтингке ие болды. НТК көрсеткен «Конг: остров черепах» фильмімен екінші орында, ал Qazaqstan эфирінен берілген «Қол созған үміт» атты түрік телехикаясы үшінші орынға ие болды. Осы санаттағы үздік ондықта НТК арнасы төрт фильм ұсынды.
