2025 жылғы 5-11 мамыр аралығындағы телевизия рейтингтеріне шолу
ТОП-10 телеарна
Мамыр айының екінші аптасы Қазақстан астанасындағы әскери парадтың мерекелік шеруімен есте қалды. Евразия бірінші арнасы көшбасшылық орнын сақтап, рейтингін жүзден бір үлеске арттырды. Бұл уақытта КТК арнасы жақсы өсім көрсетіп, екінші орынға қайта оралды. Жетінші арна үшінші орынға төмендеді, дегенмен өткен аптамен салыстырғанда рейтингі жоғары. Айта кетерлігі, Мир телеарнасы үш сатыға көтеріліп, ТОП-10 ішінде 4-орынға жайғасты.
ТОП-10 жаңалықтар мен ақпараттық-талдамалық бағдарламалар
Жаңалықтар рейтингін Евразия бірінші арнасының 5 мамырдағы орыс тіліндегі «Басты жаңалықтар» бағдарламасы бастайды. Қазақ тіліндегі кешкі жаңалықтар шығарылымы үшінші орында. Олардың арасында КТК жаңалықтары екінші орында тұр.
Талдамалық бағдарламалар арасында алғашқы ондыққа Евразия, Qazaqstan, Astana TV, 24 KZ, Хабар және Atameken Business арналары енген. Евразия бірінші арнасының «Аналитика» және «Асау жаңалықтар» бағдарламалары сәйкесінше бірінші және екінші орындарда. Үшінші орында – Апта бағдарламасы.
ТОП-10 ойын-сауық бағдарламалар
Ойын-сауық рейтингін Qazaqstan арнасындағы Тұрсынбек Қабатовтың шығармашылығының 20 жылдығына арналған мерейтойлық кеш бастайды. Екінші орында – «Әзіл әлемі». Келесі орындарда КТК мен Astana TV арналарының «Шымкент Шоуы».
«Кел, шырқайық!» бағдарламасы алдыңғы кезеңдердің көшбасшысы Астарлы ақиқат-тан озып, КТК арнасының бұл категориядағы жетістігін еселеді. Үшінші орын – Евразия бірінші арнасының «QosLike» шоуына тиесілі.
ТОП-10 музыкалық және танымдық бағдарламалар
Qazaqstan арнасында сенбі күні отандық эстрада жұлдыздары Тоқтар мен Бейбіттің шығармашылық кеші көрсетіліп, ең жоғары рейтингті жинап, бірінші орынға шықты. Сонымен қатар, арнаның тағы төрт музыкалық бағдарламасы ТОП-10-ға енді (3, 5, 7, 10 орындар). Екінші орында КТК-дағы жексенбілік «Әнім сен едің» концерті.
Евразия бірінші арнасының 5 мамырдағы таңғы шоуы аптаның ең үздік танымдық бағдарламасы атанды. Екінші орын – Qazaqstan-ның «1001 түн» бағдарламасына, үшінші орын – 24 KZ-тің 10 мамырда эфирге шыққан «Медицина KZ» бағдарламасына тиесілі.
ТОП-10 әлеуметтік-экономикалық және басқа бағдарламалар
Koremiz Show – Евразия бірінші арнасында көрерменді экранға жинауды жалғастыруда. Келесі орындарда Qazaqstan арнасының 7 мамыр – Отан қорғаушы күніне арналған «Ақорда» және «Ер – елдің қорғаны» бағдарламалары.
«Басқа бағдарламалар» санатында бірден бес орынды 7 мамырда Қазақстан астанасында өткен Жеңістің 80 жылдығына арналған әскери парад иеленді. Бұл парадты ең көп көрермен Qazaqstan, Евразия бірінші арнасы және Жетінші арнадан тамашалаған.
ТОП-10 қазақстандық сериалдар мен фильмдер
Рейтинг басында Евразия бірінші арнасының Қазақстан мен Ресей бірігіп шығарған «Аллигатор» және халық қаһарманы, барлаушы Қасым Қайсенов туралы «Қасым» сериалдары тұр. Үшінші және төртінші орындар – Qazaqstan арнасының «Жабайы алма» және «Ыстық ұя» сериалдары.
Жеңіс күніне арналған мерекелер аясында Ұлы Отан соғысы туралы көркем фильмдердің рейтингі күрт өсті. «Анаға апарар жол» фильмі төрт түрлі көрсетіліммен ТОП-қа енді (Qazaqstan, Жетінші арна және Хабар арналарында көрсетілген).
Евразия бірінші арнасында 7 мамырда көрсетілген «Біздің соғыс» деректі фильмдер топтамасы үздік болды.
ТОП-10 шетелдік бағдарламалар, фильмдер мен сериалдар
Qazsport арнасы 6 мамырдағы УЕФА Чемпиондар Лигасының футбол трансляциясымен бірінші орынға шықты. Екінші орында – Мир арнасындағы Мәскеудегі Қызыл алаңда өткен Жеңістің 80 жылдығына арналған әскери парад. Үшінші орында – КТК-ның «Реальная мистика» деректі сериалы.
Жетінші арна «Бесценное время» және «Великолепный век. Кесем» сериалдарымен шетелдік рейтингтің көшбасында. Үшінші орынды Евразия бірінші арнасының «Старое ружье» сериалы иеленді.
