Қазақстандық телеарналарға шолу: қазан айының алғашқы аптасы (Қазақстандағы 100 000-нан астам халқы бар қалалар және 6 жастан жоғары адамдар саны)
Қазанның алғашқы аптасы Қазақстан теледидарында тұрақты көшбасшы арналар жаңа бағыттарымен есте қалды. Ақпараттық бағдарламалар халықты әлі де өзіне қаратып отыр: КТК арнасындағы «Новости» аптаның ең жоғары рейтингісін – 2,81%-ды көрсетті. Еуразия бірінші арнасындағы «Басты жаңалықтар» сенімді түрде екінші орынға ие болды. Сонымен қатар, ПКЕ арнасының «Басты жаңалықтар» және 31-арнадағы «Informburo» бағдарламалары да көрермендердің қазақ тіліндегі жаңалықтарға деген сұранысын дәлелдеп, үздік ондыққа енді. Ал Жетінші арнаның жаңалықтары тұрақты бестік ішіндегі орнын өзгертіп, бәсекелесті арттырды.
Аналитикалық бағдарлама сегментінде ерекше жаңалық жоқ. «Парламент Online», «Аналитика» және «Асау жаңалықтар» бағдарламалары «Еуразия бірінші арнасы» арқылы өздерін әлі де көшбасшы ретінде көрсетіп келеді, ал КТК арнасындағы «Портрет недели» тұрақты түрде үздік бестікке кіреді. Сондай-ақ, осы аптада Atameken Business «Мир итоги» бағдарламасы топқа кірді.
Әлеуметтік-экономикалық жобалар өзектілігін арттыра түсуде. Еуразия бірінші арнасындағы «Koremiz show» мен «Заң мен ел», сондай-ақ 31 арнадағы «Әділдік алаңы» ең көп қаралатын бағдарламалар қатарында. Қазіргі қоғамда елді елең еткізіп жүрген мәселелерді жай айтып қана қоймай, мұқтаж жандарға нақты көмек көрсететін, ақ пен қараны айыра білетін дәл осындай жобалар көрермендерді тартып, қоғамдық мәселелерге деген саналы көзқарасты қалыптастырады.
Көңіл көтеру бағдарламалары көрермендер үшін әлі де маңызды, әсіресе кешкі уақытта. Еуразия бірінші арнасындағы «QosLike» лайфстайл бағыты бойынша көшбасшы ретінде танылып отыр. Бұдан бөлек, аудитория интеллектуалды бағдарламаларға да қызығушылық білдірді: Qazaqstan арнасындағы «Тапқыр Отбасы» мен Хабар арнасындағы «Ойна IQ» бағдарламалары ерекше сұраныста. Сонымен қатар, Ұлттық арнадағы «Бәрекелді!» мен «Жұлдызды жүздесу», және де Almaty телеарнасының «Кешкі Алматы» бағдарламалары танымал қазақстандықтардың өмірін көрсетіп, өз аудиториясын ұстап тұр. Музыкалық бағдарламалар өздерінің халық арасында кең таралған формат екенін тағы да дәлелдеді.
Отандастық сериалдар арасында айқын көшбасшылар — Хабардағы «Келінжан-6» мен Qazaqstan арнасындағы «Ақжауын-3». Балалар мен жастарға арналған сериалдар да Balapan арнасында жақсы рейтингпен ерекшеленіп, отбасымен бірге теледидар көруге деген қызығушылықтың жоғары екенін көрсетіп отыр.
Көркем фильмдер арасында комедиялар мен отбасылық фильмдер сәл басым түсуде. Аптаның көшбасшысы – Жетінші арнадағы «Каникулы Off-line-2». Сонымен қатар, Astana TV арнасындағы «Бизнес по-казахски в Америке», Хабар арнасындағы «Бойдақ күйеу» және 31-арнадағы «Жар-Жар» фильмдері де үздік бағдарламалар қатарында. Көрермендердің отандық киноға деген қызығушылығы тұрақты қалыптасып, телеарналар осы сұранысты ескеріп отыр.
Спорт саласында Qazsport пен Qazaqstan арналарындағы УЕФА Чемпиондар Лигасының трансляциялары үлкен қызығушылық туғызып, рейтинг 10 пункттен асып, аптаның рекордын жаңартты. Бұл оқиға елді біріктіріп, бүкіл халықты бір арнаға тоғыстырды.
