Қазақстанның қала және ауыл халқы, 6 жастан жоғары көрермендер
Аталған апта Жаңа жыл мерекелерінен кейінгі алғашқы толыққанды жұмыс аптасы болды. Бұл телесмотрение құрылымына өз әсерін тигізді. Эфирлер біртіндеп қалыпты бағдарламалық торға оралып, көрермендердің назары мерекелік контенттен тұрақты форматтарға ауысты.
Апта қорытындысы бойынша телеарналар арасындағы көшбасшы үштік мынадай: Еуразия Бірінші арнасы, Qazaqstan және 31 арна. Олардың арасындағы бәсеке жоғары деңгейде сақталып, көрермен назарын қайта бөлу айқын байқалды.
Жаңалықтар
Апта көшбасшысы — Еуразия Бірінші арнасындағы «Басты жаңалықтар» бағдарламасы, рейтингі 2,62 пайыз. Екінші орында — Еуразия Бірінші арнасындағы «Жаңалықтар» бағдарламасы, рейтингі 2,60 пайыз. Үшінші орынды Qazaqstan арнасындағы «Ақпарат» бағдарламасы иеленді, рейтингі 2,22 пайыз. Жаңалықтар сегменті телесмотрениенің негізгі элементі болып қала беруде. Көрермендер әлі де қалыптасқан ақпараттық брендтерге және кешкі шығарылымдарға басымдық береді, әсіресе жұмыс күндеріндегі қаралымда.
Ақпараттық-талдамалық бағдарламалар
Талдамалық сегментте апта Еуразия Бірінші арнасымен Qazaqstan арналарының бағдарламаларының басымдығымен өтті.
Ең жоғары көрсеткіш Еуразия Бірінші арнасындағы «Аналитика» бағдарламасында тіркеліп, рейтингі 2,11 пайызды құрады. Екінші орында — Qazaqstan арнасындағы «Апта» бағдарламасы, рейтингі 0,94 пайыз. Үздік үштікті Еуразия Бірінші арнасындағы «Парламент Online» бағдарламасы түйіндеді, рейтингі 0,87 пайыз.
Қоғамдық-саяси күн тәртібінің қайта жандануына байланысты талдамалық форматтарға деген қызығушылық тұрақты сақталуда.
Әлеуметтік-экономикалық бағдарламалар
Бұл санатта бірінші орынды Еуразия Бірінші арнасындағы «Koremiz show» бағдарламасы иеленді, рейтингі 2,32 пайыз. Екінші орында — Qazaqstan арнасындағы «Әлем және біз», рейтингі 2,00 пайыз. Үшінші орынды Qazaqstan арнасындағы «Қазір айтайық» бағдарламасы алды, рейтингі 1,37 пайыз. Әлеуметтік-экономикалық контент күнделікті өмірге және өзекті қоғамдық мәселелерге қатысты тақырыптар арқылы көрермен назарын аударуды жалғастыруда.
Әзіл-сықақ бағдарламалары
Әзіл-сықақ сегментінің көшбасшысы — КТК арнасындағы «Шаншар…» бағдарламасы, рейтингі 1,07 пайыз. Екінші орында — Almaty TV арнасындағы «Үздік әзілдер», рейтингі 0,55 пайыз. Үшінші орында — 31 арнадағы «31 әзіл», рейтингі 0,46 пайыз.
Ойын-сауық бағдарламалары
Еуразия Бірінші арнасындағы «QosLike» бағдарламасы рейтингі 1,70 пайызбен өз форматы бойынша тұрақты түрде бірінші орынды иеленіп келеді.
Екінші және үшінші орындар Qazaqstan арнасына тиесілі: «Қызық екен…» бағдарламасы 1,16 пайыз, «Бәрекелді!» бағдарламасы 1,02 пайыз рейтинг көрсетті.
Сазды бағдарламалар
Музыкалық жобалар көрермендердің тұрақты қызығушылығын сақтап отыр. Рейтинг жолдарының едәуір бөлігін танымал әртістердің шығармашылық және мерейтойлық кештері иеленді. Апта көшбасшысы — Qazaqstan арнасындағы «Нұрболат Абдуллиннің шығармашылық кеші», рейтингі 1,43 пайыз. Екінші орында — Qazaqstan арнасындағы «Көңіл толқыны», рейтингі 1,22 пайыз. Үшінші орында — Astana TV арнасындағы «Тоқтар Серік 50 жас», рейтингі 1,06 пайыз.
Қазақстандық телехикаялар
Отандық телехикаялар сегментінде апта көшбасшысы — Astana TV арнасындағы «Зу-Зу Күлпәш», рейтингі 1,22 пайыз. Одан кейін Хабар арнасындағы «Келінжан 5» бағдарламасы 1,15 пайызбен, және Qazaqstan арнасындағы «Күйеу бала» бағдарламасы 1,14 пайызбен орналасқан.
Отандық фильмдер
Отандық кино арасында ең жоғары қызығушылық тудырған фильм — Astana TV арнасындағы «Бизнес по-казахски в Америке», рейтингі 1,28 пайыз. Екінші орында — Хабар арнасындағы «Менің үлкен қазақ отбасым: Бажухи операциясы», рейтингі 1,02 пайыз. Үшінші орынды Astana TV арнасындағы «Белгісіз батырлар» фильмі иеленді, рейтингі 0,93 пайыз.
