ҮЗДІК 10 АРНА
Қазіргі таңда Еуразия бірінші арнасы ел тұрғындарын телевизиялық контентпен қамтамасыз етіп, телекөрермендердің 20% сұранысын қанағаттандырып отыр. Дәл осы аптада бұл арнаның бағдарламаларымен хабарлары жалпы хабартаратуда осындай үлеске ие болды. 11%-дан сәл астамы НТК және КТК еншісінде.
ҮЗДІК 10 ЖАҢАЛЫҚТАР ЖӘНЕ АҚПАРАТТЫҚ-САРАПТАМАЛЫҚ БАҒДАРЛАМАЛАР
Өткен аптадан бері үздік он жаңалықтар топтамасы өзгеріссіз қалды. Бұл ретте тек үш бағдарламада рейтингтер оннан бір бөлікке (-0,02 — -0,16) төмендеді, қалған бағдарламалардағы көрсеткіш 0,12 — 0,37-ге өсті. Фавориттер қатарында әдеттегідей Еуразия бірінші арнасы, КТК және 31 арна бар.
Еуразия бірінші арнасы бірінші және екінші орынды сақтай отырып, өзінің «Аналитика» және «Парламент Online» бағдарламаларының рейтингін айтарлықтай арттырды. «Асау жаңалықтары» бағдарламасы алдыңғы рейтингтен жоғары болсада, тек төртінші орынға ие болды. Qazaqstan арнасы «Апта» жексенбілік шығарылымымен үшінші орынға көтерілді.
ҮЗДІК 10 ОЙЫН-САУЫҚ БАҒДАРЛАМАСЫ
Жетінші арнамен Хабар өткен аптада әзіл-оспақ контенті бойынша ең жақсы көрсеткіштерге қол жеткізді. Олардың «Әзіл Man», «Тамаша тарту» және «Тамаша» бағдарламалары демалыс күндері көптеген көрермендердің назарын аударды. Сондай-ақ, Almaty TV, НТК, КТК және 31 арна да үздіктер қатарында.
Еуразия бірінші арнасының «QosLike», Жетінші арнадағы «Маска Kazakhstan» және КТК-дағы «Астарлы ақиқат» ток-шоулары ең жоғары рейтингтерді көрсетті. Көрермендер үшін аптаның қай күні болса да сүйікті жобаларын тамашалауға уақыт табады. Телевизия мамандары үшін де бұл өте маңызды.
ҮЗДІК 10 МУЗЫКАЛЫҚ ЖӘНЕ ТАНЫМДЫҚ БАҒДАРЛАМАЛАР
Qazaqstan арнасындағы «Жұлдызды жұп» музыкалық жобасы апта сайынғы рейтингтерде тағы да жеңімпаз атанды. Финал неғұрлым жақындаған сайын, көп көрермен экран алдынан табылып, жобадағы сүйікті қатысушыларын қолдап келе жатыр. Келесі екі орын Жетінші арнада («Жарқыраған жұлдыз» концерті) және Balapan балалар каналындағы «Музыка на ТВ» жобасы.
Еуразия бірінші арнасы және Балапан танымдық бағдарламалар санатында бірінші орынға қатар шықты. Еуразия бірінші арнасындағы екітілдегі таңғы бағдарламалар және «Сен білесің бе?» жобасы өткен аптада жоғары рейтингтер жинай алды.
ТОП-10 ӘЛЕУМЕТТІК-ЭКОНОМИКАЛЫҚ ЖӘНЕ БАСҚА БАҒДАРЛАМАЛАР
Еуразия бірінші арнасындағы «Koremiz» әлеуметтік ток-шоуы көшбасшылықты ешкімге берген жоқ. Оның өткен аптадағы рейтингі 2,38% құрайды. ҚТК жұма күні эфирге берілген «Дау-дамайсыз» ток-шоуының шығарылымы үшін 1,34% рейтингке ие болып, екінші орынға қол жеткізді. 24 қараша, жексенбі күні Qazaqstan арнасынан көрсетілген «Ақсауыт» бағдарламасымен үшінші орында.
Balapan арнасы аптасайын қарқынын күшейтіп келе жатыр. Өйткені осы санаттағы алғашқы ондық тек балалар арнасының бағдарламаларынан тұрады. Кішкентайларға арналған «Көңілді асхана» аспаздық бағдарламасы көптеген көрермен тарта білген. Екінші орында «Бізбен биле!», ал үшінші орында – «Yrysty Ydystar» анимациялық сериалы бар. «Дара бала» шоуы да төртінші орынға ие болды.
ҮЗДІК 10 ҚАЗАҚСТАНДЫҚ ФИЛЬМДЕР МЕН СЕРИАЛДАР
«Көршіңің қызы» рекордтар жаңартудан жалығар емес. Qazaqstan арнасы бұл сериал үшін ең жоғары 1,18%, рейтингке ие болған. Бұл Balapan арнасындағы «Вундеркинд бала» хикаясының көрсеткішінен екі есекөп. Ол сериал 0,55% жинаған. Qazaqstan арнасындағы «Замандастар» үздік үштікті түйіндеп тұр.
Көркем фильмдердің арасында толық метрлі картиналарда, комедиялар да, тарихи және қайталап көре бергің келетін классикалық фильмдер де бар. Бірінші орында КТК арнасынан көрсетілген «София» фильмі, екінші орында Хабар ұсынған «Түпсана және жасыл нәски» комедиясы, үшінші орында AstanaTV көрсеткен «Суперагенты» фильмі тұр.
Үздік деректі фильм санатында МИР телеарнасының эфирінен берілген «Реки жизни. Урал» үздік атанды.Трансшекаралық өзендерді сақтау және олардың экожүйелерін қалпына келтіру жөніндегі бірлескен шаралар туралы бағдарлама көптеген көрерменнің назарын аударды. Фильм 18 қараша яғни дүйсенбі күні эфирге шықты.
ҮЗДІК 10 ШЕТЕЛДІК БАҒДАРЛАМАЛАР, ФИЛЬМДЕР МЕН СЕРИАЛДАР
Өткен аптада шетелдік өндірістің барлық контентінен көрермендер ойын-сауық шоулары мен әзіл-сықақ бағдарламаларын көбірек қараған. Бұл Еуразия бірінші арнасындағы «Поле чудес», «Однажды в России» және «Уральские пельмени. СмехBook» мен НТК көрстететін жобасы.
Жетінші арнадағы «Великолепный век. Хюррем» ұзақ уақыттан бері алғаш рет бірінші орынды басқа сериалға беріп қойды. Бұл жолы Еуразия бірінші арнасындағы «Первый отдел-2» детективтік хикаясы бірінші орын алды. Үшінші орында НТК көрсеткен «Великая стена» көркем фильмі тұр. Айтакетер жайт, үздік ондықта НТК арнасы бірден төрт орынға қол жеткізген.
