ҮЗДІК 10 АРНА
Қазақстан Республикасының аумағында хабар тарататын телеарналардың ішінде желтоқсан айының алғашқы аптасының көшбасшылары Еуразия бірінші арнасы, КТК және НТК. Қамтылған аудиторияның оннан бір бөлігі ғана 31 арнаны үздік үштіктен алшақтатып тұр. Оның рейтингі 0,49 % яғни НТК арнасымен бірдей.
ҮЗДІК 10 ЖАҢАЛЫҚТАР ЖӘНЕ АҚПАРАТТЫҚ-САРАПТАМАЛЫҚ БАҒДАРЛАМАЛАР
Еуразия бірінші арнасы «Главные новости» топтамасымен бірінші орында. Ал екінші және үшінші орын КТК мен 31 арнаның еншісінде. 1,80 % рейтинг жинаған «Басты жаңалықтар» тек 4-ші орынды иеленді. Жедел ақпарат жеткізуге негізделген арналардың жаңалықтар шығарылымдары үздік ондыққа енбегенін де ескеру керек.
Еуразия бірінші арнасындағы («Аналитика», «Парламент онлайн») және Жетінші арнаның («Что это было?», «Сөздің қысқасы») көрермендеріне сапалы сараптама ұсынып, өткен аптада үздіктер қатарынан көрінді. Демек көрсеткіштері де өте жақсы.
ҮЗДІК 10 ОЙЫН-САУЫҚ БАҒДАРЛАМАСЫ
31 арна әзіл-оспақ бағдарламаларының үздік ондығында бес бірдей орынға ие болды. Бұл арна 1-ші, 4-ші, 5-ші, 8-ші және 9-шы орындарға қол жеткізген. Алғашқы үштікте Astana TV арнасынан берілген «Алдараспан» және Almaty TV эфирінен көрсетілген «Үздік әзілдер» бар.
«Астарлы ақиқат» ток-шоуы арқылы КТК өз рейтингін айтарлықтай көтеріп, бірінші орынға қайта оралды. Осылайша «QosLike» романтикалық шоуын көрсететін Еуразия бірінші арнасын бір сатыға төмен түсірді. «Маска Kazakhstan» әлемдік франшизасын ұсынып отырған Жетінші арна ойын-сауық бағдарламаларының үздік ондығының үшінші орынын иеленді.
ҮЗДІК 10 МУЗЫКАЛЫҚ ЖӘНЕ ТАНЫМДЫҚ БАҒДАРЛАМА
Жексенбі жүрек қылын тербейтін тамаша концерттерге толыболды. Өйткені жексенбі күні көрсетілген бес бірдей музыкалық бағдарлама үздік ондыққа ілікті. Үздік үштіктің ішінде Qazaqstan арнасы ұсынған «Жұлдызды жұп» және «Көңіл толқыны» жобалары, Astana TV көрсеткен Муз Арт тобының концерті бар.
Танымдық бағдарламалар санатында «Эзотерика. Эксплуатация веры» шығарылымы соңғы уақытта өзінің өзектлігін паш етіп отыр. Рейтинг бойынша да бірінші орынға ие болғаны сондықтан болса керек. Бұл санатта Qazaqstan және Еуразия бірінші арнасы екінші және үшінші орынға қол жеткізді.
ТОП-10 ӘЛЕУМЕТТІК-ЭКОНОМИКАЛЫҚ ЖӘНЕ БАСҚА БАҒДАРЛАМАЛАР
Өткен аптадан бастап «Дау дамайсыз» бағдарламасы көрермен назарына ұсынатын КТК үшінші орынға төмендегенін ескермесек, көшбасшылар үштігі айтарлықтай өзгерген жоқ. Демек, Еуразия бірінші арнасы бірінші және екінші орынды сақтап қалды.
Басқа да бағдарламалар санатында Balapan балалар телеарнасы он орынды да өзі иеленді. Бірінші орында «Күшті көліктер» анимациялық сериалы тұр. Оның рейтингі бір аптада айтарлықтай өсті және ол 8-ші орыннан бірінші орынға көтерілді (0,62% — 0.94%).
ҚАЗАҚСТАНДЫҚ ТЕЛЕХИКАЯЛАР МЕН ФИЛЬМДЕРДІҢ ҮЗДІК ОНДЫҒЫ
Дүйсенбі күні Qazaqstan телеарнасында «Көршіңнің қызы» сериалының ең қызықты эпизоды көрсетілді деуге негіз бар. Оның рейтингі 1,25%. Ал НТК көрсетіп жүрген жаңа «ЖБ» деп аталатын хикая «Көршінің қызы» рейтингінен жарты пайызға төмен. Алайда бұл хикаяның екінші орынға шығуына кедергі болмады. Astana TV көрсеткен «Шахта» сериалы үшінші орында. Айтпақшы, бұл санатта астаналық арна төрт бірдей орынға ие болған.
Көркем фильмдер санатында «Базар жок, Мексика!» комедиясы бірінші орында. 31 арна көрсеткен «Донор» және Qazaqstan арнасы эфирінен берілген «Біржан сал» фильмдері жақсы көрсеткішке ие болды.
Astana TV осы аптада деректі фильмдерді сүйетін көрермендердің талғамынан шыға білді. Сейсенбі күні бұл арнада «Перрон перемен» фильмі көрсетіліп, оны ең көп көрермен тамашалаған.
ҮЗДІК 10 ШЕТЕЛДІК БАҒДАРЛАМАЛАР, ФИЛЬМДЕР МЕН СЕРИАЛДАР
Еуразия бірінші арнасы, КТК және Балапан құрмет тұғырын түрлі ток-шоулармен және «Флора сақшылары» анимациялық сериалымен бөлісті. Отандық балалар арнасы шетелдік бағдарламалар мен басқа да бағдарламалардың үздік ондығында үш рет бой көрсеткен.
Еуразия бірінші арнасының «Первый отдел – 3» мен «Портрет любимого» сериалдары көшбасшылық позицияларға шығып, Жетінші арна көрсетіп жүрген «Великолепный век. Хюррем» хикаясын үшінші орынға ысырды. Бұл санатта Еуразия бірінші арнасы көрсеткен қос картина 6 және 8 орындарға да ие болғанын айта кету керек.
