Қазақстанның қалалары мен ауылдары, 0+, аудитория 6+
Мамыр айының соңғы аптасы еліміздің жетекші телеарналары арасындағы жоғары бәсекелестіктің сақталып отырғанын көрсетті. Дегенмен, алдыңғы аптадағы көрсеткіштердің айтарлықтай өсуінен кейін телевизиялық нарықта қалыпты түзету үрдісі байқалды.
Апта қорытындысы бойынша рейтингі 0,51% және аудитория үлесі 12,31% болған «Бірінші Еуразия арнасы» көшбасшылық орнын сақтап қалды. Екінші орында рейтингі 0,45% және аудитория үлесі 10,91% болған КТК орналасса, Qazaqstan арнасы дәл сондай рейтингпен (0,45%) және 10,81% аудитория үлесімен үшінші орынға тұрақтады. Үздік бестікке сондай-ақ Astana TV (0,42% және 10,12%) мен Жетінші арна (0,35% және 8,60%) енді.
Жаңалықтар сегменті телевизиялық нарықтың негізгі қозғаушы күші болып қалуда. Аптаның абсолютті көшбасшысы КТК арнасындағы «Новости» бағдарламасы болып, 2,20% рейтингке қол жеткізді. Сонымен қатар, КТК арнасындағы «Жаңалықтар» (1,96%), Qazaqstan арнасындағы «Ақпарат» (1,94%) және «Бірінші Еуразия арнасындағы» «Басты жаңалықтар» (1,92%) бағдарламалары да жоғары нәтиже көрсетті.
Ақпараттық-талдамалық контенттің көрсеткіштері өткен аптамен салыстырғанда біршама төмендегенімен, тұрақты аудиториясын сақтап қалды. Аптаның көшбасшысы «Бірінші Еуразия арнасындағы» «Парламент Online» бағдарламасы болып, 1,10% рейтинг жинады. Екінші орынды Qazaqstan арнасындағы «Апта» бағдарламасы (0,84%) иеленді. Ал үшінші орынды Qazaqstan арнасындағы «Арнайы шығарылым» мен «Бірінші Еуразия арнасындағы» «Аналитика» бағдарламалары бөлісті (әрқайсысы – 0,75%).
Әлеуметтік-экономикалық сегментте соңғы апталардан бері алғаш рет көшбасшы ауысты. Бірінші орынға Qazaqstan арнасындағы «Қазір айтайық» бағдарламасы көтеріліп, 0,88% рейтинг көрсетті. Одан кейін «Бірінші Еуразия арнасындағы» «Koremiz Show» (0,82%) және Qazaqstan арнасындағы «Әлем және біз» (0,73%) бағдарламалары орналасты. Сонымен қатар, үздік ондықтағы бағдарламалар арасында 24KZ арнасының үлесі де айтарлықтай жоғары болып қалуда.
Әзіл-сықақ сегментінде алдыңғы апталармен салыстырғанда ең жоғары көрсеткіштердің төмендегені байқалады. Аптаның көшбасшысы Жетінші арнадағы «Әзілін жарасса» бағдарламасы болып, 0,55% рейтингке ие болды. Сонымен бірге, 31 арнадағы «Қайрат & Қанат. Әзіл кеші» (0,44%) және Almaty TV арнасындағы «Алдараспан» (0,42%) жобалары да жоғары нәтиже көрсетті. Бұған дейінгі апталардан айырмашылығы, бұл жолы жанр ішіндегі көшбасшылық бірнеше телеарна арасында бөлінді.
Ойын-сауық бағытындағы өзге форматтар арасында аптаның абсолютті көшбасшысы Qazaqstan арнасындағы «Қайырлы кеш» бағдарламасы болып, 1,15% рейтинг жинады. Екінші орынды Balapan арнасындағы «Жүзден жүйрік» бағдарламасы (0,89%) иеленді. Ал «Бірінші Еуразия арнасындағы» «QosLike» бағдарламасы жоғары көрсеткіштерін сақтап, 0,74% рейтингке қол жеткізді. Сонымен қатар, Jibek Joly арнасының позициясы айтарлықтай нығайып, «Дәми Life» пен «100 Sarbaz» жобалары сегменттегі ең жоғары рейтинг жинаған бес бағдарламаның қатарына енді.
Музыкалық контентте Qazaqstan арнасының көшбасшылығы тағы да айқын байқалды. Аптаның үздік жобасы болып рейтингі 0,93% болған «Ғазизхан Шекербектің шығармашылық ән кеші» атанды. Үздік үштікке сондай-ақ Astana TV арнасындағы «Муз Арт. Концерт» (0,68%) және Qazaqstan арнасындағы «Сағындырған әндер-ай» концерті (0,63%) енді.
Сериалдар сегментінде Qazaqstan арнасы өз көшбасшылығын сенімді түрде сақтап қалды. Бірінші орынды 1,69% рейтингпен «Қыздың жолы» телехикаясы иеленіп, бәсекелестерінен айтарлықтай озып шықты. Екінші орында Balapan арнасындағы «Дарын мен Айзере» сериалы (0,87%), ал үшінші орында Qazaqstan арнасындағы «Біздің сынып» телехикаясы (0,73%) орналасты.
Кино сегментінде бірнеше телеарна арасында жоғары бәсекелестік байқалды. Аптаның көшбасшысы Astana TV арнасындағы «Ажырасам» фильмі болып, 0,89% рейтинг көрсетті. Үздік үштікке сондай-ақ Qazaqstan арнасындағы «Әмеңгер» (0,72%) және 31 арнадағы «Қожа. Жаңа саяхат» (0,53%) фильмдері енді.
