Ұлттық медиа қауымдастық шағын аймақтық телеарналарға рейтингтерді өлшеу жүйесіне қатысуға мүмкіндік жасады.

Өздеріңіз білетіндей, рейтингтерді өлшеу жүйесіне өлшеуді ұйымдастырудың өзіндік құнының жоғары болуына байланысты ірі республикалық телеарналар ғана қатысады. Қазіргі уақытта өлшеулер Қазақстанның 22 ірі телеарнасы үшін жүргізілуде.
Медиа қауымдастықтың соңғы конференциясында құрылтайшылар аймақтық телеарналардың эфирдің аудиториялық деректерін өлшеуге «кіру» ережелері мен өлшемдерін бекітті. Бұл ретте өңірлік арналар бүкіл эфирді толық бақылай алмайды. Оларға эфирдің аудиториялық көрсеткіштерін өлшеу құқығы беріледі және халықаралық және қазақстандық ірі компанияларға жарнамалық уақытты сатудан ақша табуға мүмкіндіктер пайда болады.
Қауымдастық құрылтайшыларының шешіміне сәйкес, аймақтық арналар рейтингтерді өлшеу жүйесіне толық қатысатын ірі арналардан шамамен он есе аз төлейді.
Өңірлік арналарға өлшеу жүйесіне қатысуға мүмкіндік беру туралы ұсынысты Ұлттық медиа қауымдастықтың қатысушысы – «TV Media Advertising Agency» компаниясы бастамашылық етті, бұдан әрі қауымдастықтың сараптамалық кеңесі идеяны талдап, ережелерді әзірледі.
Критерийлерге сәйкес, шағын аймақтық арна өлшенетін 3 қаладан аспауы керек. Сондай — ақ арнаның Қазақстан аумағында хабар таратуға лицензиясы болуы және таратуға міндетті телеарналар тізіміне кірмеуі тиіс. Телеарнаның өлшеуге қатысуының ең аз мерзімі — 3 ай және қысқартылған өлшеуге 2 жыл қатысқаннан кейін телеарна өлшемдерге толыққанды қатысушы болуға тиіс.