ТОП-10 арналар
Өткен аптамен салыстырғанда бірінші төрт орындағы арналардың орналасуы өзгерген жоқ. Евразия бірінші арнасы, КТК, Жетінші арна және «Мир» арнасы өз орындарын сақтап қалды. Кейбір арналар рейтингте сәл төмендегенімен, көрермен ауқымын арттырды. Qazaqstan арнасы бірден 4 позицияға жоғарылап, бесінші орынға шықты.
ТОП-10 жаңалықтық және ақпараттық-талдамалық бағдарламалар
4 маусымдағы орыс тіліндегі шығарылыммен КТК жаңалықтары Евразия бірінші арнасын артта қалдырып, жаңалықтар санатында бірінші орынға шықты. Евразия бірінші арнасының кешкі жаңалықтары апталық рейтингте екінші және үшінші орындарға жайғасты.
Ақпараттық-талдамалық бағдарламалар арасында Евразия бірінші арнасы әдеттегідей көш бастап тұр. Одан кейін «Аналитика» және «Парламент Онлайн» бағдарламалары, ал үшінші орында – Astana TV арнасының «Sapar Times» бағдарламасы.
ТОП-10 ойын-сауық бағдарламалар
Юмористік шоу «Алдараспан» бірнеше арнаны ТОП қатарына шығарды – КТК, Almaty TV және Astana TV. Бұл арналар аталмыш бағдарламаны сенбі кешінде эфирге шығарған. Екінші орын – астаналық арнадан көрсетілген «Шаншар 30 жыл» мерейтойлық концертіне тиесілі.
Ойын-сауық бағдарламалар арасында танымалдылығын жоғалтпаған жобалар – Евразия бірінші арнасындағы «QosLike» шоуының эпизоды, КТК арнасының 2 маусымдағы «Астарлы ақиқат» шығарылымы және сенбідегі «Кел, шырқайық!» бағдарламасы.
ТОП-10 музыкалық және танымдық бағдарламалар
Музыкалық бағдарламалар санатында Qazaqstan арнасы бірінші бес орынды иеленді. «Көңіл толқыны», «Жұлдызды жұп», «BEU» концерттері және басқа да жобалар көрермен көңілінен шықты.
Танымдық бағдарламаларда да осындай жағдай – Qazaqstan арнасы алғашқы үш орынды иеленді. Бірінші орын – сенбідегі «Замандастар» циклінің шығарылымында.
ТОП-10 әлеуметтік-экономикалық және басқа бағдарламалар
Бұл категорияда көбіне Евразия бірінші арнасының жобалары көш бастап тұрады. Бірінші үштікке «Koremiz Show», «Заң мен ел» және «Qаймақ» бағдарламалары кірді.
Жазғы демалыстың басталуымен бірге Balapan арнасының көрермені көбейіп, оның позициясы нығая түсті. Жоғарыда аталған категорияларға кірмеген бағдарламалар ішінде балалар контенті ең көп көрермен жинады. Аптаның үздіктері: «Balaqailar» мультсериалы, «Бізбен биле!» жобасы және «Арни» бағдарламасы.
ТОП-10 қазақстандық сериалдар мен фильмдер
Каникулдар сериалдарға да әсер етті – Balapan арнасындағы балаларға арналған «Томпақ» және «Томпақ оралуы» сериалдары үздіктер қатарында. Үшінші орын – Qazaqstan арнасындағы «Көзайым» телехикаясында.
Отандық фильмдер қатарында алғашқы үштікке КТК арнасының «Zero» фильмі, Astana TV арнасының «Донор» фильмі және Qazaqstan арнасының «Ғашығым» картинасы кірді.
Аптадағы ең үздік деректі фильм – Qazaqstan арнасында өткен жұма күні көрсетілген «Құралайдың салқыны» фильмі болды.
ТОП-10 шетелдік бағдарламалар, фильмдер мен сериалдар
Өткен аптада қазақстандық көрермендерді қызықтырған контенттер – «Поле чудес», футбол және «Пусть говорят» бағдарламалары. Евразия бірінші арнасы мен Qazsport шетелдік бағдарламалар санатында көш бастады.
Шетелдік фильмдер мен сериалдарды трансляциялайтын арналар ішінде Жетінші арна мен КТК ерекше көзге түсті. Сәрсенбі күні бұл арналар түрік және ресейлік сериалдарды көрсетті. Ең көп көрермен жинағандары – «Бесценное время», «Шеф. Новая жизнь» және «Великолепный век. Кесем».
